پرس میدیا
سەرۆكێ بەرێ یێ پەڕلەمانێ كوردستانێ ڕاگەهاند، نابیت كورد دژایەتیا هەمواركرنا دەستوورێ عێراقێ بكەت، و دوپاتكر ڕیفڕاندۆم و 16 ئۆكتۆبەڕێ "قوماركرن" بوو ب چارەنڤیسێ دەڤەرێن ڤەقەتیایی .
یوسف محەمەد سەرۆكێ بەرێ یێ پەڕلەمانێ كوردستانێ و جێگرێ سەرۆكێ لژنا هەمواركرنا دەستوورێ عێراقێ، ب ڕۆژنامەیا ڕای گشتی ڕاگەهاندیە، دنهادا چ مەتڕسیەك لسەر هەرێما كوردستانێ نینە، و ئەوا هندەك لایەن بەحس دكەن ڕاست نینە، و نابیت كورد دژایەتیا هەمواركرنا دەستوورێ عێراقێ بكەت، ڕاستە مافێن كوردان دڤی دەستووری دا هەنە، بەلێ پێدڤیە ددەمێ هەمواركرنێ دا كورد پاراستنا ئەڤان مافان بكەن و وەك دەرفەت ببینیت بۆ چەسپاندنا زێدەترا مافێن خوە تێدا".
دەربارەی دەڤەرێن ڤەقەتیایی، ناڤبری گوت، "كورد پشتی 100 ساڵان شیابوو ئەوان دەڤەران بزڤڕینیت بۆ سەر ئاخا خوە، بەلێ ب ڕیفڕاندۆمێ و 16 ئۆكتۆبەڕێ قومار ب چارەنڤیسێ ئەوان دەڤەران هاتە كرن و ژدەست چوون".
داڕشتن: ئۆمێد حاجی .
No comments:
Post a Comment