پرس میدیا
كۆمسیۆنا بلندا مافێن مرۆڤی ڕاگەهاند، ژئەگەرێ خۆپێشاندانێن عێراقێ، زێدەتر ژ 18 هزار هاوڵاتیان ب دەستێن هێزێن ئەمنی بووینە قوربانی ، و دوو هزار و 500 كەس ژی هاتینە دەستەسەركرن .
ئەڤروو ڕۆژا شەمبی، كۆمسیۆنا بلندا مافێن مرۆڤی ل عێراقێ، دنویترین ڕاپورتا خوە دا، لدور خۆپێشاندانێن عێراقێ، ئاماژە ب ئەوێ چەندێ كر، دخۆپێشاندانان دا 409 كەس هاتیهنە كوشتن ب دەستێن هێزێن ئەمنی، و ژئەگەرێ گرانیا برینێن برینداران ئەگەرێ زێدەبوونا هەژمارا كوشتیان هەیە .
دوپاتكر ژی، دماوێ ڤان دوو مەهان دا، 17 هزار و 750 كەس ب دەستێن هێزێن ئەمنی برینداربووینە، و دوو هزار و 500 كەس ژی هاتینە دەستەسەركرن، و بەشەك ژوان هاتینە ئازادكرن .
و گوتیە، پۆلیس و هێزێن ئەمنی 100 كەس لدەڤ خوە هێلاینە، و بزاڤ دكرن لدویڤ ماددێ 4ێ تیرورێ سەرەدەریێ دگەل بكەن، بەلێ ژئەگەرێ بزاڤێن مە، ئەو ماددەن لسەر ڕاكریە .
داڕشتن: ئۆمێد حاجی .
No comments:
Post a Comment