پرس میدیا
هه‌رێما كوردستانێ ب ئه‌گه‌رێ سكالا كومپانیه‌كا نه‌فتێ كو ده‌رباره‌ى ئاشتى هه‌ورامى توماركریه، رویبرویێ سزایێ ئێك ملیار و 600 ملیون دولارى دبیت.
مالپه‌رێ ژیان ئاماژه ب راپورته‌كا "سایمون واتكس" شاره‌زایى نیڤده‌وله‌تى یێ بوارێ نه‌فتێ كه‌ت ب ناڤ و نیشانێن "دوو شه‌رمزارى د بوارێ نه‌فتێ و گه‌نده‌لیێن ژ هه‌رێما كوردستانێ تا به‌سرا" كومپانیا "دێنتسى" بو بازرگانیا نه‌ف و گازێ ل دادگه‌ها بلند یا بریتانیا سكالایه‌ك لسه‌ر هه‌رێما كوردستانێ و ئاشتى هه‌ورامى توماركریه تێدا داخازا قه‌ره‌بویا ئێك ملیار و 600 ملیون دولاران دكه‌تن.
سكالا لسه‌ر ئاشتى هه‌ورامى وه‌زیرێ به‌رێ یێ وه‌زاره‌تا سامانێن سروشتى و راوێژكارێ نها یێ سه‌روكێ حكومه‌تێ بو كاروبارێن نه‌فتێ هاتیه توماركرن لسه‌ر وێ چه‌ندێ كو دكابینه‌یا بورى دا بزاڤ كرینه گه‌نده‌لیێن خوه ڤه‌شێریت و ناڤێ كومپانیێ نه‌شرین بكه‌ت ب دانا به‌رتیلا و تشتێن نه یاسایى.
هه‌روه‌سا گوتیه ژى، د به‌رامبه‌ر هنده‌ك گرێبه‌ستێن نه‌فتێ دا ئاشتى هه‌ورامى داخازكریه به‌شێ وى ژى بده‌نێ، به‌لێ كومپانى یا ئاماده نه‌بوو وى پاره‌ى بده‌ته ئاشتى هه‌ورامى، له‌ورا ئاشتى هه‌ورامى بزاڤا وێ چه‌ندێ دایه ناڤێ كومپانیێ نه‌شرین بكه‌ت برێكا چه‌ند كومپانیێن دى.
د راپورتێ دا دوپاتى لسه‌ر وێ چه‌ندێ هاتیه كرن، كو به‌ریا نها ئاشتى هه‌ورامى و به‌رپرسێن هه‌رێمێ راگه‌هاندیه، سكالایا كومپانیا دێنستى دوماهێك پێ هاتیه، بو وێ مه‌ره‌مێ ژى چه‌ند جاره‌كا هه‌ولا وێ چه‌ندێ دایه وێ سكالایێ ژ دادگه‌ها بریتانیا ڤه‌گوهێزن بو جهه‌كێ دیتر، داكو لسه‌ر وان یا بساناهى بیت، به‌لێ كومپانیێ به‌لگه‌یێن تمام لسه‌ر گه‌نده‌لیێن ئاشتى هه‌ورامى داینه دادگه‌هێ.
No comments:
Post a Comment