پرس میدیا
سەرۆكێ هەرێمێ ڕاگەهاند دێ بزاڤا بۆ دروستكرنا ئێك دەنگیا لایەنێن سیاسی كەن، و ئاماژە ب ئەوێ چەندێ كر ئارمانجا وان دروستكرنا ئێك فڕاكسیوونا كوردیە ل بەغدا .
نێچیرڤان بارزانى سەرۆكێ هەرێما كوردستانێ ب میدیایان ڕاگەهاند، سەرەدانا وی بۆ لایەنێن سیاسی بۆ دروستكرنا ئێكدەنگیا لایەنێن سیاسى و ئێك فڕاكسیوونا كورديه ل بەغدا .
گوت ژی "مە ئاریشە دگەل هەمواركرنا دەستوورێ عێراقێ نین، بەلێ پێدڤیە بزانن نابیت ئەوان ماددان بگهوڕن كو ب مللەتێ كورد و هەرێما كوردستانێ ڤە گرێداینە".
دەربارەی ڕێكەڤتنا دناڤبەرا هەرێم و بەغدا دا گوت "پێنگاڤێن باش هاتینە هاڤێتن و ددەمەكێ نێزیك دا دێ ڕێكەڤتن هێتە ئیمزاكرن".
گوت ژی، هەردوو جێگرێن من مژویلی ئامادەكاریێن ڕێكخستنا هێزێن پێشمەرگەینە .
دوپاتكر، كو دێ پشتەڤانیا هەر كەسەكی و بزاڤەكێ كەن كو دبەڕژەوەندییا گەلێ عێراقێ دابیت، و كێشەیێن عێراقێ ژ ئەنجامێ شاشیێن ساڵێن بوورینە .
سەرۆكێ هەرێمێ سۆپاسیا خەلكێ هەرێما كوردستانێ ژی كر كو دقوناغێن بزەحمەت دا خۆڕاگربوون و گوت " مە باوەری ب داهاتوویەكێ باشتر هەیە".
داڕشتن: ئۆمێد حاجی .
No comments:
Post a Comment