پرس میدیا
سەرۆكێ پارتی ڕادگەهینیت، هەر گهوڕینەك دعێراقێ دا بهێتە كرن پێدڤیە لسەر بنەمایێن دەستووری بیت، و مافێ هەموویان بهێتە پاراستن، و دبێژیت پێشوازیا هەر پێنگاڤەكێ دكەین كو كاریگەری هەبیت لسەر چارەسەركرنا قەیرانان .
مەسعود بارزانی سەرۆكێ پارتی دیموكراتی كوردستان، دەربارەی ڕەوشا عێراقێ پەیامەك بەڵاڤكر و دبێژیت "بگرنگی سەحدكەینە پێشهاتێن ئەڤێ دوماهیێ، و پێشوازیێ ل هەر پێنگاڤەكێ دكەین، كو كاریگەری هەبیت لسەر چارەسەركرنا قەیرانان".
گوت ژی "دهەر گهوڕینەكێ دا پێدڤیە مافێ هەموو پێكهاتەیان بهێتە بەرچاڤ وەرگرتن، و پێدڤیە ئەو گهوڕینە لسەر بنەمایێن دەستووری بن، و هەروەسا ئارمانج ژ ئەوان گهوڕینان چەسپاندنا ئاسایش و ئارامیێ و سەروەریا یاسایێ بیت، و داخازیێن هاوڵاتیان ژی بهێنە جێبەجێكرن".
هەروەسا سەرۆكێ پارتی ئیدانەیا توندوتیژیێن دناڤ خۆپێشاندانان دا كر، و سەرخۆشیێن خوە گەهاندنە ماڵباتێن شەهیدان و هیڤیا چارەسەریێ ژی بۆ برینداران خۆاست .
ئەڤە ددەمەكی دایە، دوهی عادل عەبدولمەهدی دەست ژ پۆستێ سەرۆك وەزیریا عێراقێ بەردان، و سوباهی ژی پەڕلەمان دێ دەنگی لسەر دەت .
داڕشتن: ئۆمێد حاجی .
No comments:
Post a Comment