پرس میدیا
ئه‌نجومه‌نێ وه‌زیران یێ عیراقێ ده‌ستژكاركێشانا دوو به‌رپرسان په‌سه‌ند كر و عه‌بدولمه‌هدى داخاز ژ وه‌زیران دكه‌ت د ئه‌ركێن خوه‌دا به‌رده‌وام بن.
ئه‌ڤرو روژا شه‌مبى ئه‌نجومه‌نێ وه‌زیران یێ عیراقێ كومبونه‌ك ئه‌نجامدا و تێدا عادل عه‌بدولمه‌هدى سه‌روكێ ده‌ستژكاركێشاى یێ ئه‌نجومه‌نێ داخاز ژ وه‌زیران كر د ئه‌ركێ خوه‌دا به‌رده‌وام بن.
ل گوره‌ى راگه‌هاندنا كومبونێ "عه‌بدولمه‌هدى راگه‌هاندیه حكومه‌تا عیراقێ ئه‌وا ژ ده‌ستى هاتى ئه‌نجامدایه، هه‌ر ژ پێشكێشكرنا پاكێجا چاكسازیێ و دامه‌زراندن و دابه‌شكرنا زه‌ڤیان و پروژه یاسایێن گرنك وه‌ك هه‌لبژارتن و كومسیون و ئه‌نجومه‌نێ خزموتا ئیتیحادى".
سه‌روك وه‌زیران دیاركر ژى دڤێت ئه‌نجومه‌نێ نوینه‌ران و فراكسیون، پێشنیارێن خوه بو چاره‌سه‌ركرنا ڤى باردوخى دیاركه‌ن.
د راگه‌هاندێ دا ئاماژه بهندێ ژى هاتیه كرن كو ده‌ستژكاركێشانا رێڤه‌به‌رێ نڤێسینگه‌ها سه‌روك وه‌زیران و ئه‌میندارێ گشتى یێ ئه‌نجومه‌نى هاتنه په‌سه‌ندكرن.
No comments:
Post a Comment