پرس میدیا
سه‌روكا فراكسیونا پارتى رادگه‌هینیت، هێشتا هه‌لویستێ خوه ده‌رباره‌ى ده‌ستژكاركێشانا عادل عبدلمهدى رانه‌گه‌هاندیه.
ڤیان سبرى سه‌روكا فراكسیونا پارتى ل په‌رله‌مانێ عیراپێ ب مالپه‌رێ فه‌رمى یێ حزبا خوه راگه‌هاند "سه‌روك وه‌زیرێن عیراقێ لسه‌ر داخازا مه‌رجه‌عیه‌تێ ده‌ستژكاركێشانا خوه دایه په‌رله‌مانى و په‌رله‌مان ژى دێ بریارێ لسه‌ر ده‌ت، كادێ قه‌بیل كه‌ین یان نه".
گوت ژى "تا نها مه هه‌لویستێ خوه رانه‌گه‌هاندیه و دده‌مێ خوه‌دا ئه‌م ژى دێ هه‌لویستێ خوه راگه‌هینین".
ب ئه‌گه‌رێ به‌رده‌وانیا خوه‌پێشاندانێن عیراقێ، دوهى روژا ئه‌ینى عادل عبدالمهدى سه‌روك وه‌زیرێن عیراقێ راگه‌هاند، دێ ده‌ستژكاركێشانا خوه پێشكێشى په‌رله‌مانى كه‌ت.
وه‌سا بریاره سباهى روژا ئێك شه‌مبى، ئه‌نجومه‌نێ نوینه‌ران یێ عیراقێ بو گوتوبێژا ڤى بابه‌تێ كومبیت.
No comments:
Post a Comment