پرس میدیا
په‌رله‌مانتاره‌كێ عیراقێ راگه‌هاند سه‌ره‌دانا جێگرێ سه‌روكێ ئه‌مریكا بو هه‌رێما كوردستانا ب مانا وێ یه‌كێ دهێت كو ئه‌مریكا گلوپا كه‌سك بو هه‌رێمێ هلكریه و دیاركر ژى كو كوردا باردوخێ عیراقێ ب ده‌رفه‌ت دیتى یه كو بزڤریته ڤه بو كه‌ركوكێ.
مالپه‌رێ ئیرانا یێ فه‌رمى یێ حكومه‌تا ئیرانێ، داخویانیه‌كا حه‌نین قه‌دو ئه‌ندامێ په‌رله‌مانێ عیراقێ به‌لاڤكریه كو به‌حس ل ئه‌ڤه‌رێ ڤه‌گه‌ریانا پێشمه‌رگه‌ى و ده‌ستهه‌لاتا هه‌رێمێ بو ناڤچه‌یێن كێشه‌لسه‌ر دكه‌ت.
قه‌دو كو ئه‌ندامێ هه‌ڤپه‌یمانیا فه‌تحه، گوتیه ژى "ئیدره‌یا ئه‌مریكا گلوپا كه‌سك بو هه‌رێما كوردستانێ هه‌لكریه بو ده‌ست بسه‌رداگرتنا ده‌ڤه‌رێن كێشه‌لسه‌ر".
ناڤبرى به‌حسا وێ یه‌كێ ژى كر "سه‌ره‌دانا جێگرێ سه‌روكێ ئه‌مریكا بو هه‌رێمێ ب مانا رازى بونا وه‌لاتێ وى ژ جودابونا هه‌رێمێ ژ عیراقێ".
وى په‌رله‌مانتارى بانگه‌شه‌یا وێ چه‌ندێ ژى كریه كو كوردان دڤێت ڤى باردوخێ ئالوز یێ عیراقێ د به‌رژه‌وه‌ندیا خوه‌دا بكاربینیت.
گوت ژى "پرسا جودابونێ د خه‌یالا كوردان دامایه و یا به‌رده‌وامه، و بزاڤا وێ چه‌ندێ دده‌ن ب هه‌ر جوره‌كى بیت وێ خه‌ونێ بكه‌نه راستى دهه‌ر ده‌مه‌كێ گونجاى دا".
No comments:
Post a Comment