پرس میدیا
پەڕلەمانتارەكێ گۆڕان ڕاگەهاند، سەرۆكێ حكومەتێ بۆ وەرگرتنا ڕازەمەندییا ئەردوغانی لسەر ڕادەستكرنا نەفتێ بۆ بەغدا چوویە توركیا، و گوت ئەگەر ئەردۆغان ڕازی نەبیت، هەرێم ڕێككەفتنێ دگەل بەغدا ناكەت .
غالب محەمەد ئەندامێ ئەنجومەنێ نوینەرێن عێراقێ لسەر فڕاكسیۆنا گۆڕان دهەژمارا خوە یا ڤەیسبۆكی دا نڤیسیە ئەڤروو مەسرور بارزانی سەرەدانا توركیا كر، و ئەگەرێ سەرەدانا وی ژی بۆ وێ چەندێ یە بۆچوونا سوڵتان ئەردۆغانی وەرگریت لسەر ڕادەستكرنا نەفتا هەرێما كوردستانێ بۆ عێراقێ.
ئاماژە ب ئەوێ چەندێ ژی كر "بەریا چەند هەفتییان من گوت بوو نەفتا هەرێمێ مولكێ توركیا و چەندا مافیایەكێن هەرێمێ یە، بەلێ دەهان كادرێن دەزگەهێ پاراستنا مەسرور بارزانی تۆمەت بۆ مە دروست كرن و دگوت وەسا نینە".
ناڤبری گوت ژی، بۆ حكومەتێ گرنگ نینە خەلكی مووچە هەبیت یان نە، یا گرنگ توركیا ژێ ڕازی بیت .
دەربارەی هەلویستێ لایەنێن سیاسی، ئەوی پەڕلەمانتاری گوت، "حزبێن دی هەموو ب بێدەنگی ڕووینشتینە، و هەر وەكی هەموویان ئێك سەرۆك حزب هەبیت، بتنێ گوهدارن".
دوپاتكریە ژی "ئەگەر سوڵتان ڕازی بیت و پەیوەندیێن وی دگەل عێراقێ باشتربن، و پارەیەكێ باشتر دەست بكەڤیت، ل وی دەمی دێ ڕازی ژی بیت، لسەر ڕادەستكرنا نەفتا هەرێمێ بۆ بەغدا، ئەگەر نە دێ ئاریشەیان دروست كەت و ڕازی نابیت، ئەگەر هەموو هاوڵاتیێن هەرێمێ و هەموو سەرۆك حزبێن هەرێمێ ژی ڕازی بن، بەلێ هەر ناهێتە ڕادەستكرن".
داڕشتن: ئۆمێد حاجی .
No comments:
Post a Comment