پرس میدیا
فازڵ میرانی ڕادگەهینیت، هەڤپەیمانیا لیستێن كوردی ل بەغدا ب پێدڤی دزانین، و پێدڤیە هەموو لایەن هەر چ یا دشیانێن واندا بیت بكەن بو خەلك و ئاخا خوە .
دكونگرەیەكێ ڕۆژنامەڤانی دا فازڵ میرانی سكێرتێرێ مەكتەبا سیاسیا پارتی دیموكراتی كوردستان، سەرەدان و بزاڤێن سەرۆكێ هەرێما كوردستانێ ب ئەرێنی وەسڤ كر، و ڕاگەهاند "ئەم وەكو پارتی بزاڤێن سەرۆكێ هەرێمێ و سەرەدانا وی بۆ سلێمانیێ ب ئەرێنی دبینین و ڕوِلەكێ ئەرێنیە دكومكرنا هەموو لایەنان دا بۆ ئێكڕێزییا ناڤ ماڵا كوردی".
ئاماژە ب ئەوێ چەندێ ژی دا "ئەولەویەتا مە پاراستنا خەلك و ئاخا مەیە، لەوا هەموو لایەن هەر چ دشیانێن واندا بیت بلا بكەن بۆ خەلك و ئاخا خوە، چونكی هەموو لایەكێ مە ب ئاگری دەور دایە و پیدڤیە ئەم مللەتێ خوە ژوی ئاگری ب پارێزین".
میرانی گوت ژی "مە هەموو دەستهەڵات داینە سەرۆكێ هەرێمێ هەر چ بكەت بۆ دروستكرنا هەڤپەیمانیا لیستێن كوردی ل پەڕلەمانێ عێراقێ، چونكە هەڤپەیمانیا لیستێن كوردی ب گرنگ و پێدڤی دزانین ".
ئەڤ ئاخڤتنێن فازڵ میرانی پشتی سەرەدانا نێچیرڤان بارزانی سەرۆكێ هەرێمێ و جێگرێن وی هات كو سەرەدانا پارتی دیموكراتی كوردستان كربوو .
هەروەسا دوهی ژی سەرۆكێ هەرێمێ سەرەدانا سلێمانیێ كربوو و دگەل گۆڕان و ئێكەتی كۆمببوو، و بڕیارە دگەل چەند لایەنێن دی ژی كۆمببیت .
داڕشتن: ئۆمێد حاجی .
No comments:
Post a Comment