پرس میدیا
ڕاوێژكارێ سەرۆكێ هەرێما كوردستانێ، ڕاگەهاند كو كۆمبوونا ئەڤروویا سەرۆكێ هەرێمێ دگەل تەڤگەڕا گۆڕان یا دلخۆشكەر بوو، و بڕیارێن گرنگ تێدا هاتینە دان، و هەموو لایەن دكوك بوون ناكوكیان پشتگوهـ پاڤێن .
ئەڤروو ڕۆژا سێ شەمبی، دڵشاد شەهاب ڕاوێژكارێ سەرۆكێ هەرێما كوردستانێ دكونگرەیەكێ ڕۆژنامەڤانی دا ل سلێمانیێ ڕاگەهاند نێچیرڤان بارزانی ژبلی گۆڕان و ئێكەتی دڕۆژێن بهێت دا دێ دگەل لایەنێن دی ژی كۆمبیت .
ئاماژە ب ئەوێ چەندێ ژی كر، ئەو كۆمبوونێن ئەڤروو هاتینە ئەنجامدان دگەل گۆڕان و ئێكەتی ئاخڤتنێن دلخۆشكەر تێدا بوون، و بڕیارێن گرنگ ژی تێدا هاتینە دان، و هەموو ژی دكوك بوون كو ناكوكیان پشتگوهـ پاڤێن، و سەرۆكایەتیا هەرێمێ وەك چەترەكێ یە بوو هەموو لایەنێن سیاسی .
ڕاگەهاند ژی، ئەڤ سەرەدانە ب مەبەستا دروستكرنا پەیامەكا ئێكگرتیا لایەنێن سیاسیێن كوردستانیە بۆ بابەتێن دگەل بەغدا .
داڕشتن: ئۆمێد حاجی .
No comments:
Post a Comment