پرس میدیا
حكومەتا عێراقێ دئەڤ ساڵەدا مووچەیێ هەر 12 مەهان هنارتینە، و بەرپرسیارنینن ژ دابەشكرنا بتنێ 9 مووچەیان، بەلكو حكومەتا هەرێما كوردستانێ بەرپرسیارە .
گڕۆپێ پارێزەرێن خۆبەخش ئەڤروو ڕۆژا دووشەمبی ڕاگەهاند، پشتی توماركرنا سكاڵایێ ل دادگەها فیدڕالیا عێراقێ لدژی وەزرەتا دارایی و ئابورییا عێراق و هەرێمێ لدور دابەشنەكرنا مووچەیێن 3 مەهان یێن فەرمانبەرێن هەرێما كوردستانێ، حكومەتا عێراقێ بەرسڤا دادگەهێ دا، بەلێ تا نها حكومەتا هەرێمێ بێدەنگە و چ بەرسڤەك نەدایە .
حكومەتا عێراقێ دبەرسڤا خۆ دا بۆ دادگەهێ ڕونكریە، كو مووچەیێن هەموو مەهێن ئەڤ ساڵە بۆ وەزارەتا داراییا حكومەتا هەرێما كوردستانێ هنارتینە، و بەرپرس نینن بەرامبەر دابەشنەكرنا ئەوان مووچەیان ژلایێ وەزارەتا داراییا هەرێمێ ڤە .
پشتی توماركرنا سكاڵایێ لدور دابەشنەكرنا مووچەیێن 3 مەهان یێن فەرمانبەرێن هەرێمێ، تا نها حكومەتا هەرێما كوردستانێ بەرسڤا دادگەهێ نەدایە .
داڕشتن: ئۆمێد حاجی .
No comments:
Post a Comment