پرس میدیا
ئەڤروو پشتی 4 ڕۆژان ژ لێگەڕیانێ دناڤ سەڕما و بەفرێ و سەختیا چیایێن ڕۆژهەلاتێ كوردستانێ، تەڕمێ فەرهاد خوسرەویێ 14 ساڵی ب ڕەقبووی دناڤ بەفرێ دا هاتە دیتن .
ئەڤروو ڕۆژا ئەینی، ڕێكخراوا هەنگاو بۆ مافێن مرۆڤی بەڵاڤكریە، "ئەڤروو ڕۆژا ئەینی پشتی چوار ڕۆژان ژ لێگەڕیانێ، تەڕمێ ( فەرهاد خۆسەروی ) یێ تەمەن 14 ساڵی ژلایێ خەلكی ڤە هاتە دیتن".
ڕۆژا 17ێ ئەڤێ مەهێ، فەرهاد و چەند كۆڵبەرێن دی ژ ئەگەرێ بارینا بەفرەكا زۆر ل بلنداهیێن ( ملەی تەتە ) لسەر سنورێن ڕۆژهەلاتێ كوردستانێ و باشورێ كوردستانێ ڕێكا وان بەرزە بوو، دهەمان ڕۆژدا تەڕمێ برایێ فەرهادی كو تەمەن 17 ساڵ بوو، هاتە دیتن، و كۆڵبەرەكێ دی یی تەمەن 35 ساڵی ژلایێ خەلكی ڤە گەهاندنە نەخۆشخانێ .
ژ دەسپێكا ساڵا 2019ێ وەرە تا ئەڤروو، 7 كۆڵبەرێن كێمتر ژ 18 ساڵیێ لسەر سنوری هاتینە شەهیدكرن، و ئێك ژی برینداربوویە، هەروەسا دماوێ 12 مەهێن دەڕبازبووی ژی دا، 14 كۆڵبەر ژ ئەگەرێ سەڕمایێ لسەر سنوری رەقبووینە .
داڕشتن: ئۆمێد حاجی
No comments:
Post a Comment