پرس میدیا
ڕێڤەبەریا پۆلیسێن كرماشان ئاشكراكر، 250 خۆپێشاندەر هاتینە دەستەسەركرن، ژ ئەگەرێ بەشداریا وان د خوپێشاندانێن مەها دەڕبازبووی دا .
عەلی ئەكبەڕ ڕێڤەبەرێ پۆلیسێن پارێزگەها كرماشان، ئەڤروو ڕۆژا چوارشەمبی دكۆنگرەیەكێ ڕۆژنامەڤانی دا، ڕاگەهاندن 250 خۆپێشاندەر مە دەستەسەركرینە، كو ب ( ئاژاوەگێر ) ناڤكرن .
گوت ژی، ئەو كەسێن هاتینە دەستەسەركرن ئەون ئەوێن ڕیكلام ژ بۆ خۆپێشاندانان دكر و خەلك هانددا بۆ ئەنجامدانا خۆپێشاندانان، تەمەنێن وان ژی دناڤبەرا 20 بۆ 35 ساڵیێ دانە .
ل مەها دەڕبازبووی ژ ئەگەرێ گرانكرنا بهایێ پانزینێ، ژ هزار تمەنا بۆ 3 هزار تمەنا ژلایێ حكومەتا ئێرانێ ڤە، خۆپێشاندان و نەڕازیێن هاوڵاتیان ل وی وەڵاتی دروست بوون، هێزێن ئەمنی ژی ب توندی بەرامبەر خۆپێشاندەران ڕاوەستیان، ڕێكخراوا لێبورینا نیڤ دەولەتی ڕاگەهاند، نێزیكی 400 خۆپێشاندەر هاتینە كوشتن، و ب سەدان ژی هاتینە زیندانكرن و برینداركرن .
داڕشتن: ئۆمێد حاجی .
No comments:
Post a Comment