پرس میدیا
كۆنسڵێ ئەمریكا ل هەرێمێ ڕادگەهینیت، پێدڤیە ڕۆژنامەڤان دوویر ژ تڕسێ كارێن خۆ ئەنجامبدەن، و گوت دێ هاریكاریا حكومەت و چڤاكێ مەدەنی كەین، بۆ بەرەڤ پێشڤەبرنا ڕۆژنامەڤان كو ب ئازادانە كارێن خۆ بكەن .
ئەڤروو ڕۆژا چوارشەمبی، دكۆنفڕانسەكێ ڕۆژنامەڤانی دا، ل دەمێ بڕێڤەچوونا چاڵاكیا پێشڤەبرنا شیانێن ڕۆژنامەڤانێن پێكهاتەیێن هەرێمێ، ستیڤن ڤەیگن، كۆنسڵێ گشتیێ ئەمریكا ل هەرێما كوردستانێ ڕاگەهاند، "حكومەتا ئەمریكا ب هاریكاریا دارایی ب 94 هزار دولارا پێشكێش كرینە بۆ ئەنجامدانا ئەڤان چاڵاكیان، كو 100 ڕۆژنامەڤان تێدا بەشدارن".
گوت ژی، دچڤاكی دا پێدڤیە، ڕۆژنامەڤان و دەزگەهێن ڕاگەهاندنێ ب شێوەكێ بهێز و بێ تڕس و بێ چاڤدێری لسەر هەبیت، كارێن خۆ ئەنجامبدەن .
كۆنسڵێ ئەمریكا گوت ژی: ئەم ڕێزێ ل ڕۆژنامەڤان دگرین، چونكە ژیانا خۆ بۆ كارێ خۆ تەرخانكریە، و گەلەك جاران ژی تووشی مەتڕسیێن مەزن دبن، ئەڤە ژی ژپێناڤ پێشڤەبرنا شەفافیەتێ و بدەسڤەئینانا زانیاریان، و دێ هاریكاریا حكومەت و چڤاكێ مەدەنی كەین، بۆ بەرەڤ پێشڤەبرنا ڕۆژنامەڤان كو ب ئازادانە كارێن خۆ بكەن".
داڕشتن: ئۆمێد حاجی .
No comments:
Post a Comment