پرس میدیا
وەزارەتا پێشمەرگەی سێ لیوایێن پێشمەرگەی ڕەوانەی دەڤەرێن خانەقین، كفری و كەلار كرن ب مەبەستا ڕووبەڕووبوونا چەكدارێن داعش .
جەعفەر شێخ مستەفا جێگرێ سەرۆكێ هەرێمێ ب كەناڵێ ڕووداوێ سەر ب پارتی ڕاگەهاند، "بەرێ سپێدەهیا ئەڤروو ب فەرمانا سەرۆكێ هەرێمێ، سێ لیوایێن پێشمەرگەی ڕەوانەی میحوەرێن ئێك و دوو هەروەسا میحوەرێ خورماتوو هاتنە كرن، بۆ ڕێگریكرنا چاڵاكیێن داعش".
هەروەسا گوت ژی، "ئەو هێزە وەك هێزەكا بلەز دێ ل وێ دەڤەرێ بیت، ژ بۆ كو هەر ڕوویدانەك یان شەڕەك ڕوویبدەت، ئەو هێزە بلەز بگەهنە هێزێن دی و هاریكاریا وان بكەن".
دهەفتیا دەڕبازبووی دا، ڕێكخراوا تیرورستیا داعش ل وێ دەڤەرێ چەند چاڵاكیێن خوە یێن تیرورستی ئەنجامدان، و ب وی ئەگەری ژی، سێ ئاسایش و سێ پێشمەرگە شەهید بوون، و ژمارەیەك ژی برینداربوون .
داڕشتن: ئۆمێد حاجی .
No comments:
Post a Comment