پرس میدیا
ئەڤروو ڕۆژا ئەینی 21/12/2019 دەمژمێر 11ێ بەری نیڤروو، كۆنگرێ چوارێ یێ ئێكەتی نیشتیمانی كوردستان ل هۆڵا كۆنگرا ل پێشانگەها نیڤ دەولەتیا سلێمانیێ ل باژێڕێ سلێمانیێ ب بەشداریا هزار ئەندامان دەستپێكر .
لدەسپێكێ لژنا ئامادەكاریێن كۆنگرەی هاتە هەڵوەشاندن، و لژنا بڕێڤەبرنا كۆنگرێ ئێكەتی هاتە پێكئینان و پێكدهێن ژ "قادر حەمە جان، دلێر سەید مەجید، پەیمان محەمەد، ئەڕسەلان پایز، مەڵا یاسین".
پاشان ژلایێ ئەندامێن كۆنگرەی ڤە كۆسرەت ڕەسول عەلی وەك سەرۆكێ ئەنجومەنێ بلندێ سیاسیێ ئێكەتی هاتە هەلبژارتن، كو بلندترین پۆستە دناڤ ئێكەتی دا .
ئەنجومەنێ بلندێ سیاسیێ ئێكەتی ژ هەشت ئەندامێن مەكتەبا سیاسی پێكدهێن، و كۆسرەت ڕەسول بۆ سەرۆكێ ئەڤی ئەنجومەنی .
هەروەسا هەر ئێك ژ "بەرهەم سالح، ڕێواز فایەق، قوباد تاڵەبانی" بێ دەنگدان بوونە ئەندامێن سەركردایەتی، چونكە هەرسێكان پۆستێن بلند دناڤ حكومەتێ دا هەنە .
هەروەسا مەڵا یاسین، وەك پەیڤدارێ كۆنگرەی هاتە دەستنیشانكرن .
بڕیارە سوباهی ژی كۆنگرەی بەردەوام بیت، و هەموو ئەندامێن سەركردایەتی بهێنە هەلبژارتن .
داڕشتن: ئۆمێد حاجی
No comments:
Post a Comment