نەفت بۆ جیهانێ نیعمەتە بۆ مە ژی ژەهرە - پرس بادینی

إعلان فوق المشاركات

نەفت بۆ جیهانێ نیعمەتە بۆ مە ژی ژەهرە

نەفت بۆ جیهانێ نیعمەتە بۆ مە ژی ژەهرە

گوتار - عەدنان محەمەدتاهڕ زێباری

وەکی دیار هەر وەڵاتەکێ خودان پترولەکا زۆر بیت، دکەڤیتە ناڤ ناز و نیعمەتەکا پر مەزن. ئەڤ وەڵاتە پێشکەفتنێ ب خۆڤە دبینت دهەمی کەرتاندا. ب هەبوونا زێرێ رەش هەمی مللەت دکەڤیتە خۆشگۆزەرانیێ و داهاتەکێ باش ژی کۆمدکەن دا هەتا نەڤیێن وان بشێن ل رۆژێن رەش و د دەمێ قەیراناندا، خۆرابگرن. بەلێ عێراقێ بەروڤاژی هەمی وەڵاتێن جیهانێ، ئەڤ نەفتە بییە ئەگەرەکێ سەرەکی یێ نەخۆشی و نەهامەتیێ. ل شوینا کو ئەڤ نەفتە ببیتە خێر و بەرەکەت، گەلێ مە بیە سوتەمەنیا وێ ، تویشی جۆرەها قەیرانان بییە ژ لایەکێ ژ بەر ئەگەرێ تەماعیا وەڵاتان د عێراقێدا. لایەکێ دی یا ژ ڤێ خرابتر تەماعیا حکومدارێن عێراقێ یە. ڤێ وەکریە هەر رۆژ گەلێ عێراقێ تویشی کێشە و قەیرانێن سیاسی، ئابوری و و ئیمناهی و کۆمەڵایەتی ببیت. عێراق ئێکە ژ دەه وەڵاتێن هەرە دەوڵەمەندێن جیهانێ کو رۆژانە نزیکی 5 ملیۆن بەرمیلێن نەفتێ بەرهەم دئینت. قەبارێ داهاتێ وێ یێ ساڵانە ژی ب دەهان ملیاران دۆلاران دهێت خەملاندن.

سەرەرای ڤێ پترولا زۆر لێ عێراق ئێکە ژ دەه وەڵاتێن هەر پاشکەفتی و رێژا هەژاریێ رۆژ ب رۆژ دزێدەبوونێ دایە. سەرەرای داهاتەکێ زۆر، لێ ژبەر بێ پلانیێ و دزێن مەزن داهاتێ وێ نەدیارە یانژی دکەڤیتە خزمەتا کەسانێن دەستنیشان کریدا. ب تنێ بێهنا دیکێلا بیرێن نەفتێ بۆ هاوڵاتیان دمینت. هەرێما کوردستانێ بەراورد دگەل حکومەتا ناڤەند، ژلایێ ئاڤەدانیێ پتر پێشکەفتن ب خۆڤە دیتییە. ساڵانێن بەری نوکە سەرەرای دزی و گەندەڵی، بەلێ تا ئاستەکێ باشتر بوو. ئەم دشێین بێژین دزیکەرێن حکومەتا ناڤەند گەلەک بێ ویژدانتر بوون و ب چ تشتەکێ تێر نەدبوون. هاوڵاتیێن عێراقی تایبەت خێزانێن هەرێما کوردستانێ ل زۆر دەڤەران، ساڵانە تەنانەت ئێک بەرمبیلا نەفتێ ب بهایێ 45 هزار دینارێن عێراقی ژی ژ حکومەتێ وەرناگرن. حکومەتێ مە ساڵێن چووی رابوو ب فرۆتنا نەفتێ بۆ دەرڤە ب نرخەکێ ئەرزان. بەلێ رەوا نابینیت ب بهایەکێ ئەرزان بدەتە خەلکێ خۆ. ئەڤە کێمترین مافێ وانە ، قوربانی دانا چووی بوو هندێ بی کە دادپەروەری و یەکسانی هەبیت بگرە ژ داهاتی وەڵاتی بو زاروکێن شەهیدان هەتا دگەهیت دیماهیک ، جوکێن خوینا ڤی مللەتی گەلەک گەلەک ژ هەمی بیرە نەفتێن ئەڤروو بهاترە کە ئەڤروو رەوا نابین ساڵانە بەرمبیلەکا نەفتێ بدەنێ ، مخابن مروڤ هندە بێ ویژدان بیت بەرامبەر هاوڵاتیێن خوە ، بهایێ ئێک بەرمبیلا نەفتێ ل بازارێن کوردستانێ 150هزار دینار عێراقی و زێدەتر دەست دکەڤیت. ئێک لترا بانزین ژی ب 850 دینارێن عێراقی دەست دکەڤیت.

ژمارەکا وەڵاتێن جیهانێ هەرچەندە کێمترین نەفت هەیە و بەرهەمئینانا وێ یا رۆژانە دەردورێ 10 هزار بەرمبیلە. وەکی سوید، سویسرا و ئەردن. لێ وان چ رۆژان قەیرانا سۆتەمەنیێ نەبییە. چونکی نەفتا عێراقێ بەشک پێتڤیێن وان پڕ کرییە. ئەڤ دوو دەولەتێن رێزبەندیا یەکێنە و وەکو پێشکەفتیترین وەڵاتێن جیهانێ دهێن ناسین . بەلێ وەڵاتێ مە کو دناڤا کانیێن نەفتێدا بەرزەبوویە، هاوڵاتیێن وێ یێن دەروزێ دکەن بۆ پەیداکرنا نەفتێ و ب زحمەت دەست دکەڤیت. پرسیار ئەوە ئەگەر ئەڤ نەفتە نەما دێ رەوشا عێراقیان چ ب سەر هێت؟ ب دیتنا من وی دەمی دێ کارەسات دروست بن و دویر نینە وی دەمی خەلک ژ برسان بمرن. ژبەر کو داهاتێ عێراقێ پتری 90% سەر پترولێ یە ، حکومەت نەشیایە ددەمێ بوریدا ب ڤێ بوودجا زەبەلاح مفای بگەهینت هاوڵاتیان. دڤیابا ڤێ بودجەیا مەزن کەرتێ پیشەسازی، کشتوکاڵ و گەشتوگۆزاری پێشئێخستبا، بۆ هندێ بشێت ددەمێ هەر گۆرانکاری و قەیرانەکێدا، وەکی بەدیل ب کاربینت و مفایێ لێ وەربگریت. لێ مخابن هەمی کەرتێن خزمەتگۆزاری وەکی پێتڤی خزمەتێ پێشکەش ناکەن . لێ ئەم چاڤەرێی چ جۆرە خزمەت بکەین، ددەمەکیدا کو هێشتا وەڵات یێ دنالیت ژ کێمیا خزمەتگۆزاریێن دەستپێکی ژ ئاڤ و کارەب ب دروستاهی ناگەهن.
خەلکێ مە ئەڤرو نەرازیە هەتا سەر ئێسکی ، بەغدا خەلک د خوپیشاندانێن بەردەوام دایە ، خەلکێ هەرێم نەرازیە تورێن کومەڵایەتی باشترین بەڵگەیە کە روژانە هێرش دەکەنە سەر حکومەتێ .

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©