پرس میدیا
سەلاحەدین دەمیرتاش ب ڕێکا پارێزەرێن خۆ ڕادگەهینیت، ئەگەر هەتا هەتایێ ئەز دزیندانێ ڤەبم، ئەز داخازا ئازادکرنێ ژ ئەردۆغانی ناکەم .
سەلاحەدین دەمیرتاش هەڤسەروکێ بەرێ یێ هەدەپێ، ب ڕێکا پارێزەرێن خۆ بەرسڤا ڕۆژنامەیەکێ ددەت و ڕاگەهاند، "مەتڕسی لسەر دەستهەڵاتا ئاکەپێ هەیە، لەوا ژی هەموو زیندانیێن سیاسی وەك بارمتە ل زیندانان هێلاینە".
گوت ژی، " پێدڤیە ئەحمەد داود ئۆغلو، سەرۆك وەزیرێن بەرێ یێ تورکیا، ژئەگەرێ ڕوویدانێن ساڵێن دەڕبازبووی، ڕەخنەیان لخۆ بگریت، و داخاز ژ لایەنێن ئۆپۆزسیون کر، هەموو لسەر چەند بنەمایان پێکڤە کۆمببن، بۆ سارێژکرنا برینان".
دەمیرتاشی دوپاتکر، "ب بڕیارا ئەردۆغانی ئەز هاتیمە زیندانکرن، و ئەگەر هەتا هەتایێ ژی ئەز دزیندانێ ڤەبم، ئەز داخازا ئازادکرنێ ژ ئەردۆغانی ناکەم".
داڕشتن: ئۆمێد حاجی
No comments:
Post a Comment