ئێكینەیێن بەرخۆدانا شنگالێ‌: شنگال ژ هەرێما كوردستانێ‌ ئارامترە - پرس بادینی

إعلان فوق المشاركات

ئێكینەیێن بەرخۆدانا شنگالێ‌: شنگال ژ هەرێما كوردستانێ‌ ئارامترە

ئێكینەیێن بەرخۆدانا شنگالێ‌: شنگال ژ هەرێما كوردستانێ‌ ئارامترە

پرس میدیا : تایبەت 

پرس میدیا چاڤ پێكەڤتنەكا تایبەت دگەل فەرماندێ‌ ئێكینەیێن بەرخۆدانا شنگالێ‌ ( دژوار فەقیر ) ئەنجامدا، و ب پرس میدیا ڕاگەهاند، شنگال ژ هەرێما كوردستانێ‌ و عێراقێ‌ ئارامترە . 

پرس میدیا: ڕەوشا شنگالێ‌ ب گشتی ب چ شێوەیە پشتی بوردمانێن توركیا ؟ 
دژوار فەقیر: ڕەوشا شنگالێ‌ ل مەها بوورى بەریا بوردمانێن توركیا یا ئارام بوو، و ژ هەرێما كوردستان و عێراقێ‌ ژی ئارامتر بوو، ونها ژی ئارامە، چونكە ئەم دپارێزین . 

پرس میدیا: نها كی شنگالێ‌ بڕێڤە دبەت ؟ 
دژوار فەقیر: خەلكێ‌ ئێزدی ب شێوەكێ‌ ئیدارەكێ‌ شنگالێ‌ بڕێڤەدبەت . 

پرس میدیا: ئەرێ‌ ئەو قائیمقامێن شنگال هەین، كو ئێك ژ لایێ‌ هەرێمێ‌ ڤە یە، و ئێك ژی بەغدا دیاركریە، هوون سەرەدەریێ‌ دگەل كیژكی دكەن؟ 
دژوار فەقیر: ئەم سەرەدەریێ‌ دگەل ئەوی قائیمقامی دكەین كو ل شنگالێ‌ دەوامێ‌ بكەت، لەوا ژی ئەو قائیمقامێ‌ ژلایێ‌ بەغدا ڤە هاتیە دانان چونكە دەوامێ‌ ل شنگال دكەت، ئەم سەرەدەریێ‌ دگەل دكەین . 

پرس میدیا: دنها دا چەند هێز ل شنگال هەنە ؟ 
دژوار فەقیر: هێزێن مە ( هێزێن بەرخۆدانا شنگالێ‌ )، هێزێن قاسم شەشوی یێن سەر ب وەزارەتا پێشمەرگەی، هێزێن سوپایێ‌ عێراقێ‌ و پۆلیسێن عێراقێ‌ ل شنگال هەنە . 

پرس میدیا: بۆچی توركیا شنگال بوردمان دكەت ؟ 
دژوار فەقیر: ئەڤە بابەتەكێ‌ مێژوویە، نەشێم هەموویێ‌ بەحس بكەم، بەلێ‌ توركیا دڤێت بزڤڕیتە سنورێن خوە یێن بەرێ‌، و ڕۆژئاڤایێ‌ كوردستانێ‌ و باشورێ‌ كوردستانێ‌ داگیربكەت . 

پرس میدیا: ل وی دەمێ‌ هوون ل شنگال نەبوون، توركیا بوردومان نەدكر، و نها ژی بتنێ‌ هێزێن هەوە بوردومان دكەت، هێزێن عێراقێ‌ لوێرە بوردومان ناكەت ئەڤە بۆچی ؟ 
دژوار فەقیر: ڕاستە چونكە ئەم هێزا ڕاستەقینە یا پارێزەرێن شنگالێ‌ نە . 

پرس میدیا: ئەرێ‌ ما پێشمەرگە و سوپایێ‌ عێراقێ‌ نە پارێزەرێن شنگالێ‌ نە ؟ 
دژوار فەقیر: ئەوان هێزان شنگال بەردا بۆ بەڕژەوەندیێن خوە، و بەرگری نەكر . 

پرس میدیا: هەوە پەیوەندی دگەل حكومەتا هەرێما كوردستانێ‌ و حكومەتا عێراقێ‌ هەنە ؟ 
دژوار فەقیر: بەریا هاتنا سوپایێ‌ عێراقێ‌ بۆ شنگالێ‌ مە پەیوەندی دگەل هەرێما كوردستانێ‌ هەبوون، لێ‌ نها مە پەیوەندی دگەل هەرێمێ‌ نینن، بتنێ‌ مە دگەل حكومەتا عێراقێ‌ هەنە . 

پرس میدیا: دبوردومانێن توركیا دا، سڤیل بووینە قوربان، ما بارەگەهێن هەوە دناڤ سڤیلان دانە ؟ 
دژوار فەقیر: هندەك بارەگەهێن مە دناڤ سڤیلان ژی هەنە بۆ پاراستنا وان . 

پرس میدیا: هوون چاوا ژلایێ‌ دارایی ڤە خوە بڕیڤە دبەن، سەرچاوەیێ‌ هەوەیێ‌ دارایی ژكیڤەیە ؟ 
دژوار فەقیر: خەلك پاران ددەتە مە، تایبەت ئەو كەسێن پێچێبووی، و بۆ مە ژلایێ‌ خەلكی ژی ڤە ژدەرڤە دهێن . 

پرس میدیا: هوون وان پارەیان وەك باج ژهاوڵاتیان وەردگرن ؟ 
دژوار فەقیر: من نەڤێت تۆ پرسیارەكا وەسا بكەی، ئەم بێ‌ بەرامبەر خەلكی دپارێزین، ئەم باجێ‌ ژ كەسێ‌ وەرناگرین . 

پرس میدیا: ئەگەر هەرێما كوردستانێ‌ هاریكاریا هەوە یا دارایی بكەت، هوون ئامادەنە ببنە بەشەك ژ هێزا سەر ب هەرێمێ‌ ڤە ؟ 
دژوار فەقیر: نها ئەز نزانم، بەلێ‌ ئەم بۆ هەر دەستپێشخەریەكێ‌ و دانوستاندنەكێ‌ دئامادەینە . 

پرس میدیا: دهاتە گوتن بەغدا هاریكاریا هەوە یا دارایی و سەربازی كربوو ئەرێ‌ ڕاستە ؟ 
دژوار فەقیر: بەلێ‌ ڕاستە، ل دەستپێكێ‌ هندەك هاریكاریا مە كر، بەلێ‌ ل ئاستێ‌ پێدڤی نەبوو . 

پرس میدیا: دداهاتووی دا، پاشەڕوشا شنگالێ‌ بۆ كیڤەیە، هوون دخازن دگەل هەرێما كوردستانێ‌ یان دگەل عێراقێ‌ بن ؟ 
دژوار فەقیر: هەلبەت زمانێ‌ مە كوردیە، مە دڤێت دگەل هەرێمێ‌ بین . 

پرس میدیا: ژبلی زمانێ‌ كوردی، ئەرێ‌ هوون وەك مللەت ژی خوە ب كورد نزانن ؟ 
دژوار فەقیر: ئەز نەشێم بڕیارێ‌ لسەر ئەوێ‌ چەندێ‌ بدەم، پێدڤیە ئێزدی بڕیارێ‌ لسەر بدەن . 

پرس میدیا: هوون سەرەدەریێ‌ دگەل میرێ‌ ئێزدیان یێ‌ نۆی دكەن ؟ 
دژوار فەقیر: ب مەجبووری بەلێ‌ . 

ڕاپورت: ئۆمێد حاجی .

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©