پرس میدیا
ب مەبەستا ڕێگریكرن ژ هەر ڕوویدانەكا نەخۆاستی، هێزەكا زۆرا ئەمنی ل بەغدا بەڵاڤە پێ هاتە كرن و كەڤتنە دحالەتێ ئامادەباشیێ دا .
میدیایێن عێراقی بەڵاڤكریە، سوباهی دساڵڤەگەرا سەركەڤتن بسەر داعشدا، خۆپێشاندانێن بەرفرەهـ دێ بڕێڤەچن .
گوتیە ژی، ل ئێڤاریا ئەڤروو، هێزەكا زۆرا ئەمنی دناڤ باژێڕی دا تایبەت ل سنورێ ئەوان دەڤەرێن خۆپێشاندان تێدا دهێنە ئەنجامدان هاتینە بەڵاڤكرن، و كەڤتینە دحالەتێ ئامادەباشیێ دا، بۆ ڕێگریكرن لهەر ڕوویدانەكا نەخۆاستی .
ئێڤاریا ئەڤروو ژی، قەیس خەز عەلی سەرۆكێ هێزا چەكدارا عەسائیبی ئەهلولحەق، ڕاگەهاند، "پیلانەك هەیە، كو هندەك كەسان دڤێت سوباهی بڕێكا خۆپێشاندانان ڕەوشا ئەمنیا عێراقێ تێكبدەن، ئەڤە ژی دێ بیتە ئەگەرێ كوشتنەكا زۆرا خەلكی".
هەروەسا باڵیوزخانەیا ئەمریكا ژی ل عێراقێ هۆشداری دا هاوڵاتیێن خۆ ل عێراقێ، كو نێزیكی ئەوان دەڤەران نەبن، كو بڕیارە سوباهی خۆپێشاندان تێدا بڕێڤەبچن .
داڕشتن: ئۆمێد حاجی .
No comments:
Post a Comment