پرس میدیا
دەستەیا دەست پاكیا هەرێما كوردستانێ، هەوەكا بەرهنگاربوونا گەندەڵیێ ل سەرانسەری هەرێما كوردستانێ ڕاگەهاند .
ئەڤروو ڕۆژا ئێكشەمبی، ل باژێڕێ هەولێرێ، هەوەكا ئێك هەفتەیی بۆ بەرهنگاربوونا گەندەڵیێ هاتە ڕاگەهاندن، ئەحمەد ئەنوەر سەرۆكێ دەستەیا دەسپاكیا هەرێما كوردستانێ گوت، "ئەڤ چەند ساڵە مە نەشیایە ڕۆژا 9ێ كانوونا ئێكێ ساغ بكەین، كو دكەڤیتە هەفتیا بهێت دا، و ڕۆژا جیهانیا بەرهنگاربوونا گەندەڵیێ یە، بەلێ ئەڤ ساڵە ب هاریكاریا ئاژانسا ئەمریكی بۆ گەشەپێدانێ و چەند دەزگەهێن نەتەوەیێن ئێكگرتی بۆ گەشەپێدانێ، هەوەكا ئێك هەفتەیی بۆ هشیاری و بەرهنگاربوونا گەندەڵیێ مە ڕاگەهاند".
هەروەسا گوت ژی "ئەركێ سەرەكیێ دەستەیا دەسپاكیێ دویڤچوون و كومكرنا پێزانینایە لدور كەیسێن گەندەڵیێ، بەلێ ئەركەكێ دی یێ نیشتیمانی ژی مە هەیە ئەو ژی هوشیاركرنا هاوڵاتیێن كوردستانێ یە دەربارەی مەتڕسیێن گەندەڵیێ".
هەروەسا دوپاتكر، كو دێ چەندین چاڵاكی ل دهۆك، هەولێر و سلێمانیێ هێنە ئەنجامدان .
داڕشتن: ئۆمێد حاجی .
No comments:
Post a Comment