پرس میدیا
په‌رله‌مانتاره‌ك رادگه‌هینیت، حكومه‌تێ نه‌شێت فه‌رمانا ل په‌رله‌مانى بكه‌ت، پروژه‌یێ یاسایا دامه‌زراندنا فه‌رمانبه‌رێن گرێبه‌ست، به‌ریا بو حكومه‌تێ بچیت هاتیه ره‌دكرن.
ئه‌ڤرو روژا سێ شه‌مبى٢٠١٩/١٢/٣، عه‌باس فه‌تاح په‌رله‌مانتارێ فراكسیونا یه‌كه‌تى نشتیمانى كوردستانى و جێگرێ لیژنه‌یا یاسایى ل په‌رله‌مانێ كوردستان د كونفرانسه‌كێ روژنامه‌ڤانیدا راگه‌هاند "پروژه یاسایا دامه‌زراندنا فه‌رمانبه‌رێن گرێبه‌ست یێن حكومه‌تا هه‌رێما كوردستانێ كو هاتیه پێشكێشكرن یێ یه‌كه‌تى بویه، و به‌ریا بو حكومه‌تێ بهێته هنارتن هاتیه ره‌دكرن، و دده‌مه‌كیدا حكومه‌ت نه‌شێت فه‌رمانا ل په‌رله‌مانى بكه‌ت".
عه‌باس فه‌تاح گوت ژى، چه‌ند جاره پروژه یاسایێن تایبه‌ت ب فراكسیونا یه‌كه‌تێ ژلایێ حكومه‌تێ ڤه دهێنه ره‌دكرن، یان "دده‌نه فراكسیونه‌كا دى و ئه‌و دبنه خودان"، دده‌مه‌كى دایه یه‌كه‌تى خودانا وان پروژایه.
گوت ژى، ل گوره‌ى ریككه‌فتنا پارتى و یه‌كه‌تى و بزاڤا گوران رێككه‌فتن هاتیه‌كرن، كو ئه‌و پروژه‌یێن ره‌هه‌ندا گشتى هه‌ى بو خه‌لكێ هه‌رێما كوردستانێ لسه‌ر رێكبكه‌فین نه ژلایێ حكومه‌تێ ڤه بهێنه ره‌دكرن.
جێگرێ لژنه‌یا یاسایى ل په‌رله‌مانێ كوردستانێ دوپاتدكه‌ت، ئه‌و پروژه‌یێن كو حكومه‌تا هه‌رێمێ دبێژیت دێ خه‌رجیێن مه زێده‌كه‌ن، به‌روڤاژیه چونكى ئه‌وێن گرێبه‌ست نوكه 14 ملیاردینار خه‌رجیێن وانه، به‌لێ ئه‌گه‌ر بهێنه دامه‌زراندن موچه‌یێ وان دێ بیته 12 ملیار دینار.
No comments:
Post a Comment