پرس میدیا
دڕاگەهاندنەكێ دا، ئەڤروو ڕۆژا ئەینی، ئەنجومەنێ بلندێ ئافرەتان بەڵاڤكریە، و بەرسڤا ئێكەتیا زانایێن ئیسلامی ل كوردستانێ دایە، كو ئێكەتیا زانایان فەتوایەك لدور سواربوونا ژنان دگەل تەكسیان دابوو، و ڕادگەهینیت، ئازراندنا ئەڤان بابەتان خزمەتا ئاشتیا چڤاكی و هەڤژیانیێ و یەكسانیێ و مافێن مرۆڤی ناكەت، و ئاماژە ب ئەوێ چەندێ دایە "ئەڤ فەتوایە كەرامەتا ژن و زەڵامان كێمكریە، تایبەتی ژی یا برایێن شوڤێرێن تەكسیان .
دڕاگەهاندنا ئەنجومەنێ ئافرەتان دا هاتیە، "ئەنجومەنێ بلندێ فەتوایا مەكتەبا سكرتاریەتا ئێكەتیا زانایێن ئیسلامی ل كوردستانێ، دنڤێسنا خوە یا ژمارە 144 كو ل ڕێككەفتی 4/12/2019 بەڵاڤكریە، بێ كو گوهـ بدەنە پێگەهـ و مافێن ژنان، چەند فەتوایەك داینە لدور كارێ شوڤێرێن تەكسیان و سواربوونا ژنان دگەل، ئەم لڤێرە ڕادگەهینین ئازراندنا ئەڤان بابەتان خزمەتا ئاشتیا چڤاكی و هەڤژیانیێ و یەكسانیێ و مافێن مرۆڤی ناكەت، و ئاماژە ب ئەوێ چەندێ دایە "ئەڤ فەتوایە كەرامەتا ژن و زەڵامان كێمكریە، تایبەتی ژی یا برایێن شوڤێرێن تەكسیان".
ئاماژە ب ئەوێ چەندێ ژی كریە، "ئەڤ فەتوایا وان بنپێكرنا دامودەزگەهێن فەرمی و یاسایانە و دگەل بنەمایێن یەكسانیا ڕەگەزی ناگونجیت، كو ئێكە ژ هێلێن كارناما كابینەیا نۆی یا حكومەتا هەرێما كوردستانی".
و گوتیە، پێدڤیە لژنا فەتوایا ب هەستیارانە سەرەدەریێ دگەل ئەڤان بابەتێن چڤاكی بكەت .
و داخاز كریە، ئێكەتیا زانایێ، ئیسلامێ، ڕۆل و پێگەهێ خوە بۆ ئاشتیا كومەڵایەتی و یەكسانیێ تەرخان بكەن، و خوە ژڤان بابەتان دوویر بكەت .
داڕشتن: ئۆمێد حاجی .
No comments:
Post a Comment