پرس میدیا
ئەندامەكێ كۆنگرەیێ چوارێ یێ ئێكەتی، ب پرس میدیا ڕاگەهاند، ئێكەتیێ بۆ كۆنگرەیێ چوارێ زێدەتر گرنگی ب دەڤەران بادینان دایە .
عەلی ئۆرەماری ئەندامێ كۆنگرەیێ ئێكەتی نیشتیمانی كوردستان سەر ب مەڵبەندێ دهۆك، ب پرس میدیا ڕاگەهاند، "بۆ كۆنگرەیێ چوارێ 5 كۆرسیێن سەركردایەتیا ئێكەتی بۆ دهۆكێ هاتینە دەستنیشانكرن، و بگشتی ل دەڤەرا بادینان 10 كۆرسی، هەر چەندە ل كۆنگرەیێن پێشتر چ كۆرسیەك بۆ دهۆكێ نەبوو، ئەڤ چەندە ژی زێدەتر گرنگیدانە ب بادینان".
ئاماژە ب ئەوێ چەندێ ژی كر، "ل دهۆكێ نێزیكی 15 كاندیدان هەڤڕكیا ئەوان 5 كورسیێن سەركردایەتی دكەن، و بگشتی ل بادینان نێزیكی 30 كەسان هەڤڕكیێ دكەن بۆ 10 كۆرسیان".
ئۆرەماری دوپاتكر، "كو بەرهەڤیێن ئێكەتی و بادینان دبەردەوامن بۆ ئەنجامدانا كۆنگرەی".
دەربارەی پشتەڤانیكرنا بادینان بۆ كاندیدەكێ سكێرتێرێ گشتیێ ئێكەتی، ئۆرەماری گوت، "هیچ ڕێككەفتنەكا پێشوەختە نینە، كو پشتەڤانیێ ل كاندیدەكێ دیاركری بكەین، بۆ پۆستێ سەرۆكێ ئێكەتی، ئەڤ بابەتە ژی دێ دناڤ كۆنگرەی دا هێتە ئێكلاكرن، و ڕەتكر، كو ڕێكەفتن دناڤ ئێكەتی دا هاتبیتە كرن بۆ هەلبژارتنا بافڵ تاڵەبانی بۆ سكێرتێرێ گشتیێ ئێكەتی".
لدور ئەوان كەسێن ژ هەڤپەیمانی ڤەبووین و چووینە دناڤ ڕێزێن ئێكەتی دا گوت، "ئەو كەسێن ل وی دەمی گەهشتینە ئێكەتی زۆر بوون، لەوا ئێكەتی شیان نینن، پلە و پۆستان و مووچەیان بۆ هەموویان دابین بكەت".
ئەڤە ددەمەكی دایە بڕیاربوو كۆنگرەیێ ئێكەتی ل 7/12 بهێتە ئەنجامدان، بەلێ ژ ئەگەرێ ململانێین ناڤخۆیێن ئەوێ حزبێ، كۆنگرە بۆ 21ێ ئەڤێ مەهێ هاتیە پاشخستن".
داڕشتن: ئۆمێد حاجی .
No comments:
Post a Comment