هەڤپەیمانیا نیشتیمانی دیدارەك لدور پرسێن ژنێ‌ ئەنجامدا - پرس بادینی

إعلان فوق المشاركات

 هەڤپەیمانیا نیشتیمانی دیدارەك لدور پرسێن ژنێ‌ ئەنجامدا

هەڤپەیمانیا نیشتیمانی دیدارەك لدور پرسێن ژنێ‌ ئەنجامدا

پرس میدیا 

هەڤپەیمانیا نیشتیمانی دیدارەكا ڤەكری بۆ نوینەرێن لایەنێن سیاسی و ژنێن پەڕلەمانتار دەربارەی توندوتیژیا دژی ژنان ئەنجامدا . 

ددرێژیا چاڵاكیێن هەوا بەرهنگاربوونا توندوتیژیا دژی ژنان، هەڤپەیمانیا نیشتیمانی، دیدارەكا ڤەكری لژێر ناڤێ‌ ( بدەنگێ‌ بلند بێژە ئەز مرۆڤم، ئەز ژنم ) بۆ نوینەرێن لایەنێن سیاسی، و ژنێن پەڵەمانتار و چاڵاكڤانێن ژن ئەنجامدا . 

د.ئاڤێستا كەمال یاریدەدەرا سەرۆكێ‌ هەڤپەیمانیا نیشتیمانی، دوێ‌ دیدارا ڤەكری دا ئاماژە ب ئەوێ‌ چەندێ‌ كر "پەروەردە و كەلتورێ‌ كوردستانێ‌ هاریكاربوون بۆ توندوتیژیا ژنان، زەڵامێن مە وەسا تێگەهشتینە شەڕەفا وان ژن و كچ و خۆشكێن وانن، ددەمەكی دا شەرەف تایبەتە ب مرۆڤی بخۆ و ڕەفتارێن وی". 

دوپاتكر ژی، "جیاوازیا فسیۆلۆجی دناڤبەرا ژن و زەڵاماندا، كو دبنەرەت دا جیاوازی نینە، بەلكو تەمامكاریا هەڤدوویە، بوویە خالا سەرەكیا جیاوازیێ‌ و لسەر ئەوی بنەمای سەرەدەری دگەل ژنێ‌ دهێتە كرن، و دئەنجامدا ئەڤ زۆڵمە ژێ‌ بەرهەم هاتیە ئەوا نها ئەم دچڤاكی دا دبینین، و هەر بزاڤەك بۆ گهوڕینا ئەڤی تێگەهشتنێ‌ پێدڤیە ژ پەروەردە و كەلتوری دەستپێبكەت". 

پاشان سەرگوڵ قەرەداغی، ئەنداما ئەنجومەنێ‌ سیاسیێ‌ هەڤپەیمانیا نیشتیمانی، دوێ‌ دیدارێ‌ دا دوپاتكر، كو هەڤپەیمانی بزاڤ كرینە ژنان پێگەهێ‌ تایبەت بخۆ هەبیت، و ژنان بگەهینتە ناڤەندا بڕیارێ‌، و ئەم دخوازین، پێگەهێ‌ ژنان دكابینا نۆی دا ل پەڕلەمان و حكومەتێ‌ دا بهێزتربیت، و دێ‌ بزاڤا كەین، دداهاتوی دا ددەستوری دا پێگەهێ‌ ژنان ل كوردستانێ‌ بپارێزین". 

هەروەسا گوت ژی، "حزبێن سیاسی ڕولێ‌ سەرەكی هەیە ل هەرێما كوردستانێ‌، هەر گهوڕینەك دوێ‌ بواری دا بهێتە كرن، پێدڤیە بەشەكێ‌ زۆر دناڤ حزباندا بیت، بشێوەكی كو دناڤ پەیڕەوێن حزباندا پێگەهێ‌ ژنێ‌ بلندتر لێبكەن، و هەروەسا ڕاگەهاندنێ‌ ژی ڕول هەیە، و ئەو گوتارا دڕاگەهاندنێ‌ دا وەك دەستهەڵاتا چوارێ‌ بەڵاڤ دبیت و ئاراستەی چڤاكی دهێتە كرن، دشێن ب وێ‌ ڕێكێ‌ هزرا چڤاكی لدور پرسێن ژنان بگهوڕین". 

پاشان ژنێن، بەشداربووی ژی، دوێ‌ دیدارێ‌ دا بوچوونێن خوە لدور وی بابەتی دیاركرن، و وەك دەستپێكەك بۆ چارەسەریا پرسێن ژنێ‌ دا زانین . 

ددوماهیێ‌ ژی دا، ژنان یاداشتا گەنگەشەیا خوە یا دیدارێ‌ نڤیسی، و دێ‌ بجهێن پەیوەندیدار هێتە دان . 

ل 25ێ‌ مەها 11 یا هەموو ساڵەكێ‌، كورۆژا جیهانیا بەرهنگاربوونا توندوتیژیا دژی ژنانە، ل هەموو جیهان و هەرێما كوردستانێ‌ ئەو ڕۆژە دهێتە ساخكرن، و چەندین چاڵاكیێن تایبەت لدور وی بابەتی دهێنە ئەنجامدان . 

داڕشتن: ئۆمێد حاجی .

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©