پرس میدیا
پەیڤدارێ حكومەتا هەرێما كوردستانێ ڕادگەهینیت، ئەگەر بودجەیێ گشتیێ عێراقێ نەهێتە پەسەندكرن، ل وی دەمی ڕێككەفتنا هەرێم و بەغدا ناچیتە دبوارێ جێبەجێكرنێ دا .
جوتیار عادل، پەیڤدارێ حكومەتا هەرێما كوردستانێ ڕاگەهاند، دگەل پەسەندكرنا بودجەیا گشتیا عێراقێ بۆ ساڵا 2020ێ، ڕێككەفتنا دناڤبەرا هەرێم و بەغدا ژی دێ چیتە دبوارێ جێبەجێكرنێ دا، و هەرێم 250 هزار بەڕمیلێن نەفتێ ڕۆژانە ڕادەستی بەغدا كەت .
دوپاتكر ژی، "ئەگەر پەسەندكرنا بودجەیی گیرووببیت، دێ جێبەجێكرنا ڕێككەفتنا هەرێم و بەغدا ژی گیرووبیت، و ناهێتە جێبەجێكرن".
حكومەتا هەرێمێ و حكومەتا ناڤەند، ڕێككەفتینە، ڕۆژانە 250 هزار بەڕمیلێن نەفتا هەرێمێ بڕێكا كۆمپانیا سۆمۆ بهێنە بەرهەمئینان، و بەغدا ژی پشكا هەرێما كوردستانێ ژ بودجەیێ عێراقێ بهنێریت، و ئەڤ ڕێككفتنە دگەل پەسەندكرنا بودجەیا گشتیا عێراقێ دێ چیتە دبواری جێبەجێكرنێ دا .
داڕشتن: ئۆمێد حاجی .
No comments:
Post a Comment