پرس میدیا
دساڵڤەگەرا سووتنا بارەگەهێ خوە ل دهۆكێ، یەكگرتوویا ئیسلامی ل دهۆكێ دەست ب ئامادەكاریێن خوە بۆ كۆنگرەی كرن .
دوهی ڕۆژا ئەینی، دساڵڤەگەرا سووتنا بارەگەهێ خوە ل دهۆكێ، مەڵبەندێ سێ یێ یەكگرتویا ئیسلامی ب ئامادەبوونا سەلاحەدین بەهائەدین سەرۆكێ حزبێ ل دهۆكێ كونفڕانسێ خوە بۆ ئامادەكاریێن كۆنگرەیێ هەشتێ یێ حزبا خوە ئەنجامدا .
د.دێوالی حاجی وەك ئەندامێ مەڵبەندێ دهۆك بۆ كۆنگرەیێ هەشتێ یێ یەكگرتوو، ب پرس میدیا ڕاگەهاند، "مە وەك مەڵبەندێ دهۆك كۆنفڕانسێ تایبەت ب خوە ئەنجامدا بۆ كۆنگرەی، و دڕۆژێن بهێت دا دێ ل باژێڕێن دی ژی هێنە ئەنجامدان".
گوت ژی، مە كۆنفڕانسێ خوە ل ڕێككەفتی 6ێ مەها 12 ئەنجامدا كو دهەمان دەمدا ساڵڤەگەرا سووتنا بارەگەهێ مە بوو ل دهۆكێ، و وەك بیرئینانەك بوو بۆ ئەوان كادرێن مە یێن تێدا شەهید بووین .
ل ساڵا 2005ێ ڕێككەفتی 6ێ مەها 12، مەڵبەندێ سێ یێ یەكگرتوویا ئیسلامی ل دهۆكێ هاتە سووتن، كو ل وی دەمی یەكگرتوو لایەنگرێن پارتی ب وێ ڕوویدانێ تۆمەتباردكرن كو هاتینە ئاراستە كرن بۆ سووتنا بارەگەهێ وان.
داڕشتن: ئۆمێد حاجی .
No comments:
Post a Comment