پرس میدیا
ئه‌مریكا داخازا ڤه‌كولینێ ژ حكومه‌تا عراقێ دكه‌ت، ژ بكارئینانا هێزێ دژى خوه‌پێشانده‌رێن باژارێن ناڤه‌راست و باشورێ وه‌لاتى.
ئه‌ڤرو روژا سێ شه‌مبى، ده‌ڤد شینكه‌ر هاریكارێ وه‌زیرێ ده‌رڤه‌یێ ئه‌مریكا بو كاروبارێن روژهه‌لاتا ناڤه‌راست د كونگره‌یه‌كێ روژنامه‌ڤانى دا راگه‌هاند، زێده‌گاڤى كرن د بكارئینانا هێزێ ل ناسریه تشته‌كێ نه‌شرینه.
هاریكارێ ئه‌مریكا بو روژهه‌لاتا ناڤه‌راست گوت ژى، داخازێ ژ حكومه‌تا عیراقێ دكه‌ین، رێزێ ل مافێن گه‌لێ عیراقێ بگریت و داخازێ ژى دكه‌ین ڤه‌كولینه‌كێ بكه‌ن و سزایێ وان كه‌سان بده‌ین یێن دڤێت توندوتیژیێ دگه‌ل خوه‌پێشانده‌را بكاربینیت.
دوهى پشتى وان خوه‌پێشانده‌ران پره‌ك گرتى و به‌رامبه‌ر بنگه‌هێ پولیسێن وى باژارى كومبوین، هێزێن ئه‌منى یێن عیراقى ته‌قه ل وان كر، و ب وى ئه‌گه‌رى 29 كه‌س هاتنه كوشتن و ب ده‌هان كه‌سێن دى بریندار بون.
ل 1/10/2019، خوه‌پێشاندانا ل عیراقێ ده‌ستپێكریه و تا نوكه زێده‌ترى 437 كه‌سان هاتینه كوشتن و 19 هزار كه‌س ژى هاتینه بریندار كرن.
No comments:
Post a Comment