نویترین ئامارا ئاوارە و پەنابەرێن ل هەرێمێ‌ هاتە بەڵاڤكرن

پرس میدیا 

حكومەتا هەرێما كوردستانێ‌ ڕاگەهاند، زێدەتر ژ ملیۆنەكێ‌ ئاوارە و پەنابەر ل هەرێما كوردستانێ‌ هەنە، و ئەو ژمارا ئاوارا كو بۆ هەرێمێ‌ دهاتن نها كێم بوویە . 

ئەڤروو ڕۆژا شەمبی، ناڤەندا هەڤبەشا قەیرانێن وەزارەتا ناڤخۆیا حكومەتا هەرێما كوردستانێ‌، دنویترین ڕاپۆرتا خوە دا ژمارەیا ئەوان ئاوارە و پەنابەرێن ل هەرێمێ‌ هەين بەڵاڤكر، "ئێك ملیۆن و 42 هزار و 462 ئاوارە، و 252 هزار و 386 پەنابەر ل هەرێمێ‌ هەنە". 

ناڤەندا هەڤبەشا قەیرانان، دڕاپورتا خوە دا زانیاری و خەرجی لدور ئاوارەیا دڤان خالان دا كومكرینە " 

1 ـ ( 114 خێزان كو دبنە 538.15 تاكە كەس ) پەنابەرێن سوری هاتینە هەرێما كوردستانێ‌، و پتریا وان ژی ب شێوەیێ‌ نەفەرمی هاتینە ب ڕێكا گوندێن سحێلە و ئەلوەلید لسەر سنوری ل دەستپێكا ئۆپەڕاسیۆنێن سەربازیێن سوپایێ‌ توركیا بۆ سەر ڕۆژئاڤایێ‌ كوردستانێ‌ هاتینە هەرێمێ‌ . 

2 ـ ( 35 خێزان دبنە 168 تاكە كەس ) پەنابەرێن سوریا ڤەگەڕیاینە سوریا . 

3 ـ ئەو پەنابەرێن سوریا كو نۆی هاتینە و هاتینە توماركرن، 49% خێزانن، 51% ڕەگەزێ‌ نێرن، 51% زارۆكن . 

4 ـ پتریا ئەوان پەنابەرێن نۆی هاتین ل كەمپا بەردەڕەش هاتینە نیشتەجێكرن، و 2000 پەنابەر چووینە ناڤ باژێڕان . 

5 ـ ژمارا ئەوان پەنابەرێن ڕۆژانە دهێنە هەرێمێ‌ بەرەڤ كێم بوونێ‌ یە كو نێزیكی 150 بۆ 200 تاكە كەسانە . 

6 ـ ( 301 خێزان كو دبنە 339 تاكە كەس ) ئاوارەیێن عێراقێ‌ ژ نۆی ئاوارەی هەرێما كوردستانێ‌ بووینە . 

7 ـ ( 476 خێزان كو دبنە 541 تاكە كەس ) ئاوارەیێن عێراقێ‌ هەرێما كوردستانێ‌ بجهـ هێلایە، بەشەك چووینە دەڤەرێن خوە، بەشەك ژی چووینە ژدەرڤەی وەڵاتی . 

داڕشتن: ئۆمێد حاجی .