پرس میدیا
وەڵاتێ كەنەدا پلانەكا نۆی ئامادەكریە، بۆ وەرگرتنا پەنابەران دساڵا نۆی دا، و زێدەتر ژ ملیۆنەك پەنابەران دێ وەرگریت .
لدویڤ چەند نووچەیێن وەڵاتێ كەنەدا، جەستن ترۆدۆ، سەرۆك وەزیرێن كەنەدا، نامەیەك بۆ وەزیرێ كۆچبەران ل وەڵاتێ خۆ هنارتیە، و لدویڤ ئەوێ نامێ، وەڵاتێ كەنەدا ل دەسپێكا ساڵا نۆی 2020 هەتا 2022ێ دێ پەنابەران وەرگریت، و داخاز ژ وەزیرێ كۆچبەران كریە، باشترین خزمەتێ بۆ بكەن .
هەروەسا ئاماژە ب ئەوێ چەندێ ژی دایە، "دێ پەناگەهەكا ئارام بۆ پەنابەران دروست كەین، تایبەت بۆ ئەوان ڕۆژنامەڤان و چاڵاكڤانێن دبوارێ مافێ مرۆڤی دا كاردكەن، و دێ باجێ لسەر وەرگتنا ڕەگەزنامێ لسەر ئەوان پەنابەران كێم كەین، ئەوێن مەرجێن پێدڤی تێدابن".
لدویڤ ئەوێ پلانا سەرۆك وەزیرێن كەنەدا، ساڵا 2020ێ دێ 341 هزار پەنابەر هێنە وەرگرتن، و ساڵا 2021ێ دێ 350 هزار پەنابەر هێنە وەرگرتن، و ساڵا 2022ێ دێ پێشوازیێ ل 460 پەنابەران كەت، بڤێ چەندێ ژی هەژمارا وەرگتنا پەنابەران هەتا ساڵا 2022ێ دێ زێدەتر بیت ژ ملیۆنەكێ .
داڕشتن: ئۆمێد حاجی .
No comments:
Post a Comment