پرس میدیا
مەزڵۆم كوبانی ڕادگەهینیت، جێگیركرنا ئێك ملیۆن ئاواران ل گرێ سپی و سەرێ كانیێ، ژلایێ توركیا ڤە، ڕامانا گهوڕینا دیمۆگرافیا ئەوان دەڤەرایە .
مەزڵۆم كوبانی فەرماندێ گشتیێ هێزێن سوریا دیموكرات ( هەسەدێ ) ل هەژمارا خۆ یا تایبەتا تویتەری دا بەڵاڤكریە، ئاخڤتنێن ڕەجەب تەیب ئەردۆغان سەرۆك كۆمارێ توركیا لدور جێگیركرنا ئێك ملیۆن ئاوارەیێن عەرەب ل گرێ سپی و سەرێ كانیێ ب داگیركاری و مەتڕسیدار دانه زانین، و گوت، "ئەو چەندە گهوڕینا دیمۆگرافیا دەڤەرێ یە".
هەروەسا كوبانی، ئەمریكا و ڕوسیا ب بەرپرسیار دەتە زانین، بەرامبەر ئەوی كارێ توركیا بڤێت بكەت بۆ گهوڕینا دیمۆگرفیا ئەوان دەڤەران، و دبێژیت، "داخاز ژێ دكەین كار لسەر پلانەكێ بهێـە كرن، كو یا گونجای بیت، و هاوڵاتیێن ئەوان دەڤەران بخۆ ڤەگەڕینن بۆ وان دەڤەران".
ئەڤە ددەمەكی دایە، بەریا نها سەرۆك كۆمارێ توركیا ڕاگەهاند بوو، مە دەست ب دروستكرنا كۆمەڵگەهێن نۆی یێن ئاكنجیبوونێ كرینە ل باكوری سوریا ب ئارمانجا نیشتەجێكرنا ملیۆنەك ئاوارەیێن عەرەب ل گرێ سپی و سەرێ كانیێ .
داڕشتن: ئۆمێد حاجی .
No comments:
Post a Comment