پرس میدیا
کومەکا چاڵاکڤانان ل تورکیا لسەر ساختەییا باوەرناما زانکۆیێ یا ئەردۆغانی داخاز دکەن دۆیڤچوون بهێتە کرن، هەروەسا کومەکا چاڵاکڤانان ژی لهەمبەر دادگەها مافێ مرۆڤی ل ئەوڕۆپا خرڤەبوونەك ئەنجامدا بهەمان مەبەست .
مەتین گولەر چاڵاکڤانێ تورك ب ڕۆژناما زەمانا تورکی گوتیە، "ئەم پشت ڕاستین باوەرناما زانکۆیێ یا ئەردۆغانی ساختەیە، و ئەڤە دەمەکە ئەم بزاڤان دکەین بۆ سەلماندنا ساختەییا باوەرناما زانکۆیێ یا ئەردۆغانی، هەر چەندە مە پەنا بریە بەر دادگەها تورکیا لێ چ ئەنجامەك بدەست مە نەکەڤت، ژبەر ئالیگریا دادگەهێ".
ڕاگەهاند ژی، "مە ئەڤ کەیسە ڤەگۆهاستیە بۆ دادگەها مافێن مرۆڤی ل ئەوڕۆپا، هەر چەندە نها ژیانا مە دمەتڕسیێ دایە، بەلێ مە شیا بابەتێ ساختەییا باوەرناما ئەردۆغانی ببەینە هەمبەر کۆمەڵگەها نیڤ دەولەتی".
پشتی برنا کەیسا ساختەییا باوەرناما ئەردۆغانی بۆ دادگەها مافێن مرۆڤی یا ئەوڕۆپا، ئەوێ دادگەهێ داخاز ژئەوان چاڵاکڤانان کریە بەڵگەیێن خۆ بهنێرن ژبۆ بڕیاردان لسەر کەیسێ .
دئەڤان ساڵێن دۆماهیێ دا بابەتێ ساختەییا باوەرناما ئەردۆغانی بۆ بابەتەکێ گەرمێ ڕۆژەڤا میدیایێن تورکی، و دهاتە گوتن باوەرناما وی ساختەیە و ئەردۆغان نە دەرچوویێ زانکۆیێ یە .
داڕشتن: ئۆمێد حاجی
No comments:
Post a Comment