پرس میدیا
وەزیرێ ئاڤەدانكرنێ ڕادگەهینیت هەتا دوماهیا ئەڤێ كابینەیا حكومەتێ، ئاریشەیا ڕێگەوبانان ل هەرێما كوردستانێ نامینیت، هەروەسا دسێ مەهاندا ژ كۆیێ 89 پڕۆژەیاندا 79 پڕۆژە هاتینە تەمامكرن .
ئەڤروو ڕۆژا دووشەمبی، دانا عەبدولكەریم وەزیرێ ئاڤەدانكرنا حكومەتا هەرێما كوردستانێ، دكۆنگرەیەكێ ڕۆژنامەڤانی دا، ڕاگەهاند، "دماوەیێ سێ مەهاندا ژ كۆیێ 89 پڕۆژەیاندا 79 پڕۆژەیێن دناڤبەرا باژێڕان دا تەمام بووینە، و هەتا دوماهیا ئەڤێ كابینەیا حكومەتێ ئاریشەیا ڕێگەوبانان ل هەرێما كوردستانێ نامینیت".
گوت ژی، "ئەو 10 پڕۆژەیێن ماین دێ بۆ پارێزگەها هەڵەبجە هێنە جێبەجێكرن".
لدور خەرجیێن ئەوان پڕۆژەیان گوت، "تا نها تێچوویێ ئەوان پڕۆەیێن تەمامكری 43 ملیار دیناربوون، و پارەیێ خەرجكری بۆ هەموو پڕۆژەیان 45 ملیار دینارن".
ئاماژە ب ئەوێ چەندێ ژی دا "بۆ نویژەنكرنا هەموو ڕێگەوبانێن هەرێما كوردستانێ ساڵانەن مە پێدڤی ب 80 ملیار دیناران هەیە، و ئەگەر بڤی شێوەی بەردەوام بیت، هەتا دوماهیا ئەڤێ كابینێ دێ ئاریشەیا ڕێگەوبانان ل هەرێما كوردستانێ چارەسەربیت".
داڕشتن: ئۆمێد حاجی
No comments:
Post a Comment