پرس میدیا
ل باژێڕێ هەولێرێ كەسەكی دەستدرێژیا گولەیان كرە سەر برایێ خۆ، و ژ ئەگەرێ گرانیا برینێ ژی برایێ وی ژیانا خۆ ژدەستدا، پۆلیسان ژی ڕاگەهاند، "ئەو تۆمەتبارە بەرڤ جهەكێ نەدیار ڕەڤیە".
ئەڤروو ڕۆژا شەمبی، هۆگر عەزیز پەیڤدارێ پۆلیسێن هەولێرێ ڕاگەهاند، "ئێڤارایا ئەڤروو ل كۆمەڵگەها شاوێس یا سەر ب هەولێرێ ڤە، ژ ئەگەرێ درووستبوونا، شەڕە دەڤی دناڤبەرا دوو برایان دا، برایەكی، بگۆلەیان برایێ خۆ كوشتیە".
گوت ژی، "ئەو كەسێ هاتیە كوشتن ب ناڤێ ( ش ) و تەمەنێ وی 29 ساڵن، و پشتی گەهاندنا وی بۆ نەخۆشخانێ، ژئەگەرێ گرانیا برینا وی، ژیانا خۆ ژدەست دا".
ئاماژە ب ئەوێ چەندێ ژی كر، "تۆمەتبار بەر ب جهەكێ نەدیار ڕەڤیە، و هێزێن پۆلیسان ل جهێ ڕوویدانێ دوویڤچوونا ئەوێ ڕوویدانێ دەسپێكریە".
داڕشتن: ئۆمێد حاجی
No comments:
Post a Comment