پرس میدیا
دبەرسڤا گۆتارا سەرۆكێ حكومەتێ دا، گۆڕان ڕاگەهاند، تا نها پێنگاڤێن چاكسازیا دئاستێ چاڤەڕێیا هاوڵاتیێن كوردستانێ دا نەبوویە .
شەڤا دەڕبازبووی مەسرور بارزانی، پشتی بوورینا 100 ڕۆژان بسەر دەست بكاربوونا واندا، گۆتارەك پێشكیشكر، و ڕاپوورتەك ژی لدور كارێن حكومەتا خوە ب دەزگەهێن ڕاگەهاندنێ دا .
تەڤگەڕا گۆڕان ژی دڕاگەهاندنەكێ دا، بەرسڤا گۆتارا سەرۆكێ حكومەتێ دا، و ڕاگەهاند، "دەربارەی گۆتارا بەڕێز سەرۆكێ ئەنجومەنێ وەزیران لدور كارێن حكومەتێ پشتی بوورینا 100 ڕۆژان، دیتنا تەڤگەڕا گۆڕان یا ئاشكرایە، كو ل دەسپێكا دامەزراندنا خوە دا تا نها، بەڕنامەیەكێ گشتگیر یێ سیاسی هەبوویە، و وەك ئەولەویەت تەماشەی بابەتێ چاكسازیان دكەت".
ئاماژە ب ئەوێ چەندێ ژی كر، تەڤگەڕا گۆڕان هەر لسەر ئەوی بنەمای ژی بەشداری د كابینەیا نەهێ یا حكومەتێ دا كریە، و ب گرنگی ڤە تەماشەی هەر بزاڤەكێ دكەین بۆ ئەنجامدانا چاكسازیان".
و دوپاتكر، "ب باوەریا مە تا نها پێنگاڤێن چاكسازیان دئاستێ چاڤەڕێبوونا هاوڵاتیێن هەرێما كوردستانێ دا نەبووینە، و پێدڤیە پێنگاڤێن چاكسازیان كاریگەرتر و بلەزتر بهێنە ئەنجامدان".
داڕشتن: ئۆمێد حاجی .
No comments:
Post a Comment