پرس میدیا
خەلاتێ كاوە گەرمیانی ب سەلاحەدین دەمیرتاش هاتە دان، و ئەو ژی ل زیندانێ نامەیەكێ ئاراستەی لژنا خەلاتی دكەت .
دشەشەمین ساڵڤەگەرا تیروركرنا ڕۆژنامەڤان كاوە گەرمیانی دا، شەشەمین خەلاتێ بناڤێ وی ڕۆژنامەڤانی ب سەلاحەدین دەمیرتاش، سیاسەتمەدارێ باكورێ كوردستانێ و هەڤسەرۆكێ بەرێ یێ هەدەپێ كو نها ل زیندانێ یە هاتە دان .
موزەیەن گۆیەن نوینەرا هەدەپێ ب نوینەراتیا دەمیرتاشی خەلاتێ كاوە گەرمیانی بۆ دەمیرتاشی وەرگرت .
سەلاحەدین دەمیرتاش ل زیندانێ نامەیەكا سۆپاسگۆزاریێ ئاراستەی لژنێ دكەت و ڕادگەهینیت، "گەلەكێ خۆشحالم كو ناڤێ من هاتیە هەلبژارتن بۆ وەرگرتنا خەلاتێ ڕۆژنامەڤان كاوە گەرمیانی".
دگەل سۆپاسیا، ئاماژە ب ئەوێ چەندێ كریە، "دساڵڤەگەرا كاوە گەرمیانی دا، ڕێز و حورمەتا خوە پێشكێشی هەوە دكەم، بهیڤیا دیتنا ڕۆژێن ئازادیێ".
ڕۆژنامەڤان كاوە گەرمیانی ل ڕۆژا 5/12/2013ێ ل هەمبەر ماڵا خوە ژلایێ چەند چەكداران ڤە هاتە گولەبارانكرن، و شەهید بوو .
داڕشتن: ئۆمێد حاجی .
No comments:
Post a Comment