پرس میدیا
ئێكه‌تیا به‌ڵێنده‌رێن كوردستانێ ئاشكراكر، حكومه‌تێ چاڤدێریا نێزیكى 180 پڕۆژه‌یێن به‌ڵێنده‌ران كریه، و دڤێ هه‌فتیێ دا دێ كه‌ڤنه كارى، و هه‌ر پڕۆژه‌یه‌كێ بكه‌ڤیته كارى دێ حكومه‌ت پاره‌ى بۆ مه‌زێخیت .
ئه‌ڤروو ڕۆژا دووشه‌مبى، به‌شار عه‌لى ڕێڤه‌به‌رێ په‌یوه‌ندیێن ئێكه‌تیا به‌ڵێنده‌رێن كوردستانێ ڕاگه‌هاند، "مه دوهى دگه‌ل ئه‌نجومه‌نێ وه‌زیران ئاخڤتیه، و لژنه‌یه‌كا هه‌ڤبه‌ش كو پێكدهێت ژ هه‌موو وه‌زاره‌تان، و دویڤچوون بۆ نێزیكى 180 پڕۆژه‌یان كریه، ژ بۆ كو بچنه دبوارێ جێبه‌جێكرنێ دا، و ئه‌و پڕۆژه ژه‌ى هه‌مه‌جورن .
گوت ژى، "هه‌مان لژنه دێ بڕیارێ ده‌ت بۆ ده‌ستپێكرنا ئه‌ڤان پڕۆژه‌یان ب پارێ حكومه‌تێ، ب مه‌رجه‌كى پارێ كاش دبانكێن هه‌رێمێ دا هه‌بیت، ئه‌گه‌ر پاره‌یێ كاش نه‌بیت، نه‌شێن ده‌ستپێبكه‌ین".
ئاماژه ب ئه‌وێ چه‌ندێ ژى كر، "ئه‌ڤ پێنگاڤه‌كا گه‌له‌ك باشه بۆ به‌ڵێنده‌ران، كو ئه‌و پڕۆژه‌یێن ژ ئه‌گه‌رێ قه‌یرانا دارایى ڕاوه‌ستیا بوون ده‌ستپێبكه‌نه ڤه".
داڕشتن: ئۆمێد حاجى
No comments:
Post a Comment