پرس میدیا
په‌ڕله‌مانتاره‌كێ كوردستانێ ڕادگه‌هینیت، حكومه‌ت دشێت ب ئه‌وان 100 ملیارێن هه‌یڤانه دهێنه بهه‌ده‌ردان 200 هزار گه‌نجان پێ دابمه‌زرینیت .
ئه‌ڤروو ڕۆژا پێنچشه‌مبى، شێركۆ جه‌وده‌ت سه‌رۆكێ فڕاكسیۆنا یه‌كگرتوو ل په‌ڕله‌مانێ كوردستانێ ڕاگه‌هاند، "مه‌زنترین گهۆڕین و چاكسازى ئه‌ون یێن ب داتایان و لوجیكى بكه‌ى، چونكه بهێنفره‌هى و وێره‌كى و پڕوفیشناڵى دڤێت".
دوپاتكر ژى، "لدویڤ ئه‌وان داتایێن حكومه‌ت به‌ڵاڤ دكه‌ت، دشیاندایه، زێده‌تر ژ 100 ملیار دینارێن دهێنه بهه‌ده‌ردان بزڤڕینیت، و 200 گه‌نجان پێ دابمه‌زرینیت، و كێمترین مووچێ خانه‌نشینا ژى بكه‌ته 400 هزار دینار".
گوت ژى، "مووچه‌یێ په‌ڕله‌مانتاران ژ هه‌شت ملیۆن دینارا بهێته كێمكرن بۆ چوار ملێون دینارا، ساڵانه ( 444 ) ملیۆن دێ بۆ حكومه‌تێ ڤه‌گه‌ڕن، هه‌روه‌سا مووچه‌یێ سه‌رۆكێ په‌ڕله‌مانى ژ ( 16 ) ملێونان بهێته كێمكرن بۆ شه‌ش ملیۆنان، دێ ساڵانه ( 120 ) ملێون بۆ حكومه‌تێ ڤه‌گه‌ڕن، و ب هه‌ڵوه‌شاندنا خانه‌نشینیا په‌ڕله‌مانتاران ژى كو هه‌ر چوار ساڵان دگه‌هیته ( 555 ) ملێون دینارا، و ساڵانه ژى دێ ( 139 ) ملێون دینار بۆ حكومه‌تێ ڤه‌گه‌ڕن، بڤێ چه‌ندێ ژى كویێ گشتیێ ئه‌وى پاره‌یێ بۆ حكومه‌تێ ڤه‌دگه‌ڕیت دێ ساڵانه‌ن گه‌هیته ( 703 ) ملیۆن دینارا و دشیاندایه ( 1100 ) گه‌نج پێ بهێنه دامه‌زراندن ب مووچه‌یێ ( 700 ) هزار دینارى".
شێركو ئاماژێ ب ئه‌وێ چه‌ندێ ژى دكه‌ت، 40% خانه‌شینێن سه‌ربازى نه‌یاسایى نه، ولدویڤ سیسته‌مێ بایومه‌ترى ژى دێ زێده‌تر ژ ( 40 ) ملیار دیناران بۆ حكومه‌تێ ڤه‌گه‌ڕن، و ل وه‌زاره‌تا ناڤخۆ ژى 25% ژ لیوایان نه‌یاساینه، و لدویڤ بایومه‌ترى دێ زێده‌تر ژ ( 200 ) ملیۆن دیناران بۆ حكومه‌تێ ڤه‌گه‌ڕن، ئه‌ڤه ژبلى چاكسازى دداهاتێ گومركان و نه‌فت و گازێ دا .
دوپاتكر ژى، ئه‌گه‌ر داهاتێن دیێن دهێنه بهه‌ده‌ردان بهێنه ڤه‌گه‌ڕاندن دێ زێده‌تر ژ ( 70 ) ملیار دۆلاران بۆ حكومه‌تێ زڤڕن، ودشێن بوێ چه‌ندێ كێمترین خانه‌شین ژ 130 هزاران بكه‌نه 400 هزار دیناران، كو بۆ ڤێ چه‌ندێ ژى بتنێ چل بۆ پێنچى ملیاران پێدڤینه .
داڕشتن: ئۆمێد حاجى
No comments:
Post a Comment