پرس میدیا
ژئه‌نجامێ پێكدادانێن ئه‌ڤروویێن دناڤبه‌را هێزێن ئه‌منى و خۆپێشانده‌ران دا، زێده‌تر ژ 26 كه‌سان هاتنه كوشتن و برینداركرن .
ئه‌ڤروو ڕۆژا شه‌مبى، ماڵپه‌رێ :ئه‌لمه‌سه‌له" یێ عه‌ره‌بى، به‌ڵاڤكریه، "ل پارێزگه‌ها زیقار یا باشورێ عێراقێ دناڤبه‌را خۆپێشانده‌ر و هێزێن ئه‌منى دا، ئاڵوزى و پێكدادان چێبوون، ب وى ئه‌گه‌رى ژى ب گوله‌یێن هێزێن ئه‌منى 4 كه‌س هاتنه كوشتن، و 22 كه‌س ژى برینداربوون .
ئاماژه ب ئه‌وێ چه‌ندێ ژى كر، "برینا به‌شه‌ك ژ برینداران یا گرانه، و بۆ نه‌خۆشخانێ هاتینه هنارتن".
ژ ده‌سپێكا مه‌ها 10 یا ساڵا 2019ێ وه‌ره، خۆپێشاندان ل پارێزگه‌هێن ناڤه‌ڕاست و باشوورێ عێراقێ ده‌ستپێكرینه، و داخازا دابینكرنا هه‌لێن كارى و نه‌هێلانا گه‌نده‌ڵیێ و گهۆڕینا ده‌ستهه‌ڵاتدارێن نها دكه‌ن، و تا نها زێده‌تر ژ 600 كه‌سان هاتینه كوشتن، و زێده‌تر ژ 22 هزاران ژى برینداربووینه .
داڕشتن: ئۆمێد حاجى
No comments:
Post a Comment