پرس میدیا
سه‌رۆكێ بزاڤا نه‌وه‌ى نۆێ په‌یامه‌كا تۆند ئاراسته‌ى په‌ڕله‌مانتاران كر، و ڕاگه‌هاند، "سۆباهى ڕۆژا ژێك جوداكرنا په‌ڕله‌مانتارێن خۆدان هه‌لویست و بێ هه‌لویست و مشه‌خۆره، و دبێژیت، مووچه‌یێ په‌ڕله‌مانتار و وه‌زیر و پله‌یێن بلند 40 جاران هندى مووچه‌یێ كێم ئه‌ندامانه .
شاسوار عه‌بدولواحید سه‌رۆكێ بزاڤا نه‌وه‌ى نۆێ، دخه‌ژمارا خۆ یا ڤه‌یسبۆكى دا ڕاگه‌هاندیه، "ئه‌و په‌ڕله‌مانتارێ ده‌نگ ب یاسایه‌كى َدده‌ت كو مووچه‌یێ وان و وه‌زیر و پله‌یێن بلند 40 جاران هندى مووچه‌یێن كێم ئه‌ندام و فه‌رمانبه‌رانه، ئه‌و مرۆڤه‌كێ خۆپه‌رست، به‌ڕژه‌وه‌ندیخۆاز و مشه‌خۆره و بتنێ دخه‌ما به‌ریكا خۆ دایه".
گوت ژى، "هه‌ر حزب و فڕاكسیۆنه‌ك ده‌نگ پێ بده‌ت ئه‌و نه حزبه، به‌لكو نڤیسینگه‌ها پاره په‌یداكرنێ یه".
ئاماژه ب ئه‌وێ چه‌ندێ ژى كر، مووچه‌یێ پله بلنده‌كى 8 ملیۆن دیناره، و كێمترین ژى 150 بۆ 200 هزار دینارن، ( ئانكو مووچه‌یێ په‌ڕله‌مانتار و وه‌زیر و پله‌یێن بلند 40 جاران هندى مووچه‌یێ كێم ئه‌ندامه‌كى یه ) .
هه‌روه‌سا گوت ژى، "پێدڤیه مووچه‌یێن پله بلند بۆ نیڤ هنده بهێنه كێمكرن، و چ كه‌سه‌ك هه‌تا ته‌مه‌نێ 60 ساڵیێ نه‌هێته خانه‌نشینكرن".
ئه‌ڤه دده‌مه‌كى دایه، بڕیاره سوباهى په‌ڕله‌مانێ كوردستانێ كۆمببیت، بۆ ده‌نگدان ب پڕۆژه یاسایا چاكسازیان .
داڕشتن: ئۆمێد حاجى
No comments:
Post a Comment