پرس میدیا
كه‌شناسیا هه‌رێمێ ڕاگه‌هاند، سوباهى دێ پێله‌كا به‌فر و باران بارینێ هه‌رێمێ ڤه‌گریت و هه‌تا ڕۆژا ئه‌ینى دێ يا به‌رده‌وامبیت.
ڕێڤه‌به‌ریا گشتیا كه‌شناسى و بیڤه‌له‌رزان یا هه‌رێما كوردستانێ ڕاگه‌هاند، "سوباهى ڕۆژا چوارشه‌مبى ده‌ڤه‌رێن هه‌رێما كوردستانێ دێ كه‌ڤنه ژێر كاریگه‌ریا بارسته‌یا هه‌وایێ ته‌زیێ سێبیر، و نزمه پاڵه‌په‌ستویا ده‌ریایا ناڤه‌ڕاست، بڤى ئه‌گه‌رى ژى، پێله‌كا باران بارینێ دێ ده‌ڤه‌رێن هه‌رێمێ ڤه‌گریت، و ل سه‌نته‌رێ باژێڕان دێ لسه‌ر 20 ملم بیت".
گوتیه ژى، "ل ده‌ڤه‌رێن چیایى دێ به‌فر باریت، و ئه‌گه‌رێ بارینا به‌فرێ ل سه‌نته‌رێن باژێڕێن دهۆك، سلێمانى و هه‌ڵه‌بجه ژى هه‌یه، و پلێن گه‌رمێ ژى بۆ كێمتر ژ 5 ـ 7 پلان كێم بن".
ئاماژه ب ئه‌وێ چه‌ندێ ژى دا، "ئه‌ڤ پێله دێ هه‌تا ڕۆژا ئه‌ینى به‌رده‌وامبیت".
داڕشتن: ئۆمێد حاجى
No comments:
Post a Comment