پرس میدیا
سه‌رۆك وه‌زیرێ كاربڕێكه‌رێ عێراقێ ڕاگه‌هاند، نامه‌یا هێزێن هه‌ڤپه‌یمانان لدور خۆ ڤه‌كێشانێ ژ عێراقێ ڕاست بوو، و چاره‌سه‌رى بتنێ ئه‌وه هێزێن بیانى ل عێراقێ نه‌مینن .
ئه‌ڤروو ڕۆژا سێشه‌مبى، به‌ریا ده‌مه‌كێ كێم دكۆمبوونا ئه‌نجومه‌نێ وه‌زیرێن عێراقێ دا، سه‌رۆك وه‌زیرێ كاربڕێكه‌رێ عێراقێ عادل عه‌بدولمه‌هدى ڕاگه‌هاند، "نامه‌یا هێزێن هه‌ڤپه‌یمانان لدور خۆ ڤه‌كێشانێ ژ عێراقێ ڕاستبوو".
گوت ژى، "كۆمبوونا په‌ڕله‌مانى لدور ده‌نگدان بۆ نه‌هێلانا هێزێن بیانى ل عێراقێ ئاریشه تێدا بوو، چونكه نه‌ك كورد و نه‌ك سووننه به‌شدار نه‌بوون، و فشار لسه‌ر هه‌موو لایه‌نان هه‌بوو لدور ئه‌وى بابه‌تى، به‌لێ پێدڤیه هه‌موو لایه‌ن ئێكده‌نگ بن لدور نه‌هێلانا هێزێن بیانى ل عێراقێ".
ئاماژه ب ئه‌وێ چه‌ندێ ژى كر، "چاره‌سه‌رى بۆ عێراقێ بتنێ ئه‌وه هێزێن بیانى دعێراقێ دا نه‌مینن".
عه‌بدولمه‌هدى دوپاتكر، كو به‌ڕژه‌وه‌ندیێن ئه‌مریكا ل ڕۆژهه‌لاتا ناڤه‌ڕاست دمه‌تڕسیێ دانه .
داڕشتن: ئۆمێد حاجى
No comments:
Post a Comment