پرس میدیا
ناڤێ ژماره‌یه‌كا كاندیدان پێشكێشى سه‌رۆك كۆمارێ عێراقێ هاتینه كرن بۆ وه‌رگرتنا پۆستێ سه‌رۆك وه‌زیریا عێراقێ، و بڕیاره دڤان چه‌ند ڕۆژان دا ئه‌و پۆسته بهێته ئێكلاكرن .
كه‌ناڵێ سۆمه‌ڕییه نیۆزێ عێراقى به‌ڵاڤكریه، "ئه‌و كاندیدێن بۆ پۆستێ سه‌رۆك وه‌زیریێ هاتینه پێشكێشكرن پێكدهێن ژ، "محه‌مه‌د تۆقیق، عه‌لى شوكرى، عه‌بدولغه‌ندى ئه‌سه‌دى" هه‌روه‌سا "مسته‌فا كازمى" سه‌رۆكێ ده‌زگه‌هێ هه‌واڵگرى كو جانسێ وى زێده‌ترینه بۆ وه‌رگرتنا ئه‌وى پۆستى و تا ڕاده‌كى كه‌سه‌كێ هه‌ڤسه‌نگه دناڤبه‌را ئێران و ئه‌مریكا دا".
ئاماژه ب ئه‌وێ چه‌ندێ ژى كریه، "ئه‌و كاندیدێ ڕازه‌مه‌ندییا زۆرترین كوتله‌یێن په‌ڕله‌مانى بده‌ست ڤه بینیت، دێ پۆستێ سه‌رۆك وه‌زیریێ وه‌رگریت، و تا نها ئه‌و كاندیده ژلایێ خۆپێشانده‌ران ژى ڤه نه‌هاتینه ڕه‌تكرن".
و چه‌ندید ژێده‌ر و سه‌ركردێن عێراقێ پشت ڕاست دكه‌ن، كو دئه‌ڤێ هه‌فتیێ دا دێ كاندیده‌ك بۆ پۆستێ سه‌رۆك وه‌زیریێ هێته ڕاسپاردن .
داڕشتن: ئۆمێد حاجى
No comments:
Post a Comment