پرس میدیا
سەرۆکێ هەرێما کوردستانێ، ڕاگەهاند هێرشکرنا سەر باڵیۆزخانەیا ئەمریکا پێشهاتەکا مەتڕسیدارە .
ئەڤروو ڕۆژا چوارشەمبی، نێچیرڤان بارزانی سەرۆکێ هەرێما کوردستانێ، دەربارەی هێرشکرنا لسەر باڵیۆزخانەیا ئەمریکا ل بەغدا، ڕاگەهاندنەك بەڵاڤکر و ئاماژە ب ئەوێ چەندێ کر، "ئەمریکا هەڤپەیمانەکا ستراتیژی یا عێراق و هەرێمێ یە، و مە پێدڤیەکا مەزن پێ هەیە".
بارزانی گوت ژی، "خۆپێشاندان و داخازکرنا مافان، مافێ هەموویانە، بەلێ هێرشکرنا لسەر دبلۆماتکارێن بیانی و باڵیۆزخانەیا ئەمریکا پێشهاتەکا ب مەتڕسیدارە".
ئەڤە پشتی ئەوێ چەندێ هات، کو بۆ ماوێ دوو ڕۆژانە خۆپێشاندان لهەمبەر باڵیۆزخانەیا ئەمریکا ل بەغدا بەردەوامن، و دەروازەیەکا چوونا دناڤ باڵێۆزخانەیێ دا سۆتیە، وەك نەڕازیبوونەك بەرامبەر ئەوان هێرشێن ئەمریکا کرینە لسەر بنگەهێن حەشدا شەعبی ل عێراق و سوریا کو بوو ئەگەرێ کوشتن و بریندارکرنا 55 چەکداران .
داڕشتن: ئۆمێد حاجی
No comments:
Post a Comment