پرس میدیا
وه‌زاره‌تا پێشمه‌رگه‌ى ڕاگه‌هاند، "ته‌قه ل ئه‌فسه‌ره‌كێ پێشمه‌رگه‌ى ل هه‌ولێرێ هاته كرن، ژ ئه‌گه‌رێ هه‌بوونا ئاریشه‌یێن كۆمه‌ڵایه‌تى دگه‌ل چه‌ند كه‌سان".
ئه‌ڤروو ڕۆژا سێشه‌مبى، ته‌قه ل ئه‌فسه‌ره‌كێ پێشمه‌رگه‌ى ب ناڤێ موقه‌ده‌م سه‌لام ڕه‌زا هاته كرن، و ب دژوارى بریندار بوویه، و بۆ نه‌خۆشخانه‌یه‌كا هه‌ولێرێ هاتیه ڕه‌وانه‌كرن .
لیوا قاره‌مان شێخ كه‌مال جێگرێ سه‌رۆكایه‌تیا ئه‌ركان بۆ ئۆپه‌ڕاسیۆنان ل وه‌زاره‌تا پێشمه‌رگه‌ى، ب پرس میدیا ڕاگه‌هاند، "ناڤبرى كارمه‌ندێ وه‌زاره‌تا پێشمه‌رگه‌یه، و ب سه‌ره‌دان چوویه هه‌ولێرێ، به‌لێ به‌ریا بگه‌هیته جهێ مه‌به‌ست، ژلایێ كه‌سه‌كى ڤه ته‌قه لێهاتیه كرن".
گوت ژى، "لدویڤ زانیاریێن مه ئه‌وى ئه‌فسه‌رى ئاریشه‌یێن كۆمه‌ڵایه‌تى دگه‌ل كه‌سه‌كى دا هه‌بووینه، و هه‌ر ژلایێ ئه‌وى كه‌سى ڤه ته‌قه لێهاتیه‌كرن".
ئه‌ڤه دده‌مه‌كى دایه، هه‌ر ئه‌ڤرووكه ته‌ڕمێ سێ كه‌سێن دى ل ماڵه‌كێ ل هه‌ولێرێ هاتبوونه دیتن، و تانها ئه‌گه‌رێ ژیان ژده‌ست دانا وان ژی دیار نینه .
داڕشتن: ئۆمێد حاجى
No comments:
Post a Comment