پرس میدیا
په‌ڕله‌مانێ كوردستانێ پشتى پڕۆژه یاسایا چاكسازیان په‌سه‌ندكرى، ڕه‌وانه‌ى سه‌رۆكایه‌تیا هه‌رێما كوردستانێ كر .
ئه‌ڤروو ڕۆژا دووشه‌مبى، په‌ڕله‌مانێ كوردستانێ د ڕاگه‌هاندنه‌كێ دا ئاماژه ب ئه‌وێ چه‌ندێ كر، "دچارچووڤێ په‌یڕه‌وێ ناڤخۆ دا و یاسایێن به‌ركار، یاسایا چاكسازیان، ژ خانه‌نشینیا مووچه‌یان، ده‌ڕماڵه، به‌حشین و ئیمتیازاتێن دى، ڕه‌وانه‌ى سه‌رۆكایه‌تیا هه‌رێما كوردستانێ هاته كرن".
ڕونكریه ژى، "لدویڤ هه‌ردوو مادده‌یێن 94 و 95 ژ په‌یڕه‌وێ ناڤخۆیێ په‌ڕله‌مانێ كوردستانێ، پێدڤیه یاسا و بڕیارێن په‌ڕله‌مان په‌سه‌ند دكه‌ت، دماوێ 15 ڕۆژان دا ژ ڕێككه‌فتێ په‌سه‌ندكرنێ، ڕه‌وانه‌ى سه‌رۆكایه‌تیا هه‌رێمێ بكه‌ت، ب مه‌به‌ستا ده‌رچوونا ئه‌وان یاسا و بڕیاران".
پڕۆژه یاسایا چاكسازیان، د ڕووینشتنا ژماره 15 یا ئاسایى خۆڵا پایزا ساڵا ئێكه‌م یا خۆڵا پێنچێ یا په‌ڕله‌مانى ب 89 ده‌نگان هاته په‌سه‌ندكرن، و بۆ یاسا و ئه‌ڤروو ژی بۆ سه‌رۆكایه‌تیا هه‌رێمێ هاته ڕه‌وانه‌كرن ب مه‌به‌ستا ده‌رچوونا ئه‌وان یاسایان .
داڕشتن: ئۆمێد حاجى
No comments:
Post a Comment