پرس میدیا
سه‌رۆكێ حكومه‌تا هه‌رێمێ دگه‌ل ژماره‌یكا وه‌به‌رهێنه‌رێن هه‌رێما كوردستانێ كۆمبوو، و ڕاگه‌هاند، هه‌رێما كوردستانێ یا زه‌نگینه و ده‌لیڤه هه‌یه ببیته پێگه‌هه‌كێ بازرگانى، و داخازا هاریكاریكرنێ ژ كه‌رتێ تایبه‌ت كر كو هارى حكومه‌تێ بكه‌ن .
لدویڤ ڕاگه‌هاندنه‌كا حكومه‌تا هه‌رێما كوردستانێ، ئه‌ڤروو ڕۆژا سێشه‌مبى، ئه‌ڤروو دكۆمبوونه‌كێ دا بسه‌رۆكایه‌تیا مه‌سرور بارزانى و جێگرێ وى قوباد تاڵه‌بانى، ب ئاماده‌بوونا چه‌ندین وه‌به‌رهێنه‌رێن كوردستانێ، گفتوگۆ لدور كارناما كابینا نه‌هێ یا حكومه‌تێ بۆ گه‌شه‌سه‌ندنا وه‌به‌رهێنانێ و گه‌شه‌پێدانا ئابوورى ل هه‌رێما كوردستانێ .
ئاماژه‌ب ئه‌وێ چه‌ندێ ژى هاتیه كرن، وه‌به‌رهێنه‌ر هاتینه پشتڕاستكرن كو حكومه‌تا هه‌رێما كوردستانێ پشته‌ڤان و ڕێخۆشكه‌ره بۆ پڕۆسه‌یا وه‌به‌رهێنانێ و نه‌هێلانا ڕۆتینێ و دروسترنه‌كا زه‌مینه‌یه‌كا به‌رفرهتر بۆ وه‌به‌رهێنه‌ران .
هه‌روه‌سا سه‌رۆكێ حكومه‌تێ ئاماژه‌ب ئه‌وێ چه‌ندێ ژى كر، كو هه‌رێما كوردستانێ دبوارێن ماددى و مرۆڤى دا یلا زه‌نگینه و ده‌لیڤه هه‌یه ببیته پێگه‌هه‌كێ بازرگانیێ گرنگ ل عێراق و ده‌ڤه‌رێ .
هه‌روه‌سا داخاز ژ كه‌رتێ تایبه‌ت ژى كر كو هاریكاربن دگه‌ل حكومه‌تێ، دپڕۆسه‌یا گه‌شه‌پێدانا ئابوورى و دیتنا ده‌لیڤێن كارى بۆ گه‌نجان .
داڕشتن: ئۆمێد حاجى
No comments:
Post a Comment