پرس میدیا
سه‌رۆك كۆمارێ ئێرانێ و سه‌رۆك كۆمارێ فڕه‌نسا، په‌یوه‌ندیه‌كا ته‌له‌فونى ئه‌نجامدا و به‌حس ل كوشتنا سوله‌یمانى كر .
ئه‌ڤروو ڕۆژا سێشه‌مبى حه‌سه‌ن روحانى سه‌رۆك كۆمارێ ئێرانێ، و ئیمانوئێل ماكرون سه‌رۆك كۆمارێ فڕه‌نسا، دپه‌یوه‌ندیه‌كا ته‌له‌فونى دا به‌حس ل ڕه‌وشا ده‌ڤه‌رێ و كوشتنا سوله‌یمانى و ڕێككه‌فتنا ئه‌تومى كر .
دوێ په‌یوه‌ندیا ته‌له‌فونى دا، روحانى ب ماكرونى گوتیه، "به‌ڕژه‌وه‌ندیێن ئابورى و ئه‌منیێن ئه‌مریكا ل ده‌ڤه‌رێ دمه‌تڕسیێ دانه پشتى كوشتنا سوله‌یمانى، و ئاڵۆزیێن ئه‌منیێن ده‌ڤه‌رێ دێ كاریگه‌ریه‌كا مه‌تڕسى هه‌بیت لسه‌ر جیهانێ".
گوت ژى، "دبیت ئێران پابه‌ندبوونا خۆ ب ڕێككه‌فتنا ئه‌تومیا 2015ێ كێم بكه‌ت، به‌لێ ئه‌گه‌ر ئه‌مریكا ب ته‌مامى ڕێككه‌فتنێ جێبه‌جێ بكه‌ت دێ ئێران ژى پابه‌ندبیت پێ".
ژلایێ خۆ ژى ڤه ماكرونى ڕاگه‌هاند، "جیهان نیگه‌ڕانه لدور ئاشتى و سه‌قامگیریا ده‌ڤه‌رێ، ئه‌گه‌ر پێشهاتێن ئه‌ڤان دوماهیان به‌رده‌وامبن، ئاریشه‌یێن ده‌ڤه‌رێ دێ زێده‌تر لێهێن و ئاڵۆزتربن".
ماكرونى گوت ژى، "فڕه‌نسا ئاماده‌یه بۆ ڕۆلى بگێڕین بۆ كێمكرنا ئاڵۆزیێن ڕۆژهه‌لاتا ناڤه‌ڕاست، و هه‌روه‌سا دێ فڕه‌نسا به‌رده‌وامبیت لسه‌ر پارێزگاریكرن ژ ڕێككه‌فتنا ئه‌تومى و هیڤیدارین ئێران دهه‌مان چارچووڤه‌دا سه‌ره‌ده‌ریێ بكه‌ت".
داڕشتن: ئۆمێد حاجى
No comments:
Post a Comment