پرس میدیا
هه‌ڤپه‌یمانیا نیشتیمانى ڕاگه‌هاند، ئه‌ڤا نها ڕوویدده‌ت، شانۆگه‌رى و سیناریوویێن زلهێزانه ل ده‌ڤه‌رێ، و دئه‌نجامێ ئه‌ڤێ ڕه‌وشێ دا پاشه‌ڕۆژه‌كا ئه‌رێنى چاڤه‌ڕێ كوردستانێ دكه‌ت .
ئه‌نجومه‌نێ سیاسیێ هاڤپه‌یمانیا نیشتیمانى دڕوونكرنه‌كێ دا ڕاگه‌هاند، "ئه‌ڤا دهێته ڕوویدان شانۆگه‌ریا سیاسیه بۆ بازرگانیكرنێ، بازرگانیا سیاسى و ماددى، و به‌ریا نها ڕێككه‌فتن لسه‌ر هه‌موویێ هاتیه كرن، و پێنگاڤه‌كه بۆ چه‌واشه‌یا ڕایا گشتى، چاوا به‌ریا نها ب ناڤێ دین و مه‌زهه‌ب و نه‌ته‌وێ كه‌رامه‌تا مرۆڤان شكاند، نها ژى دڤێت بڤێ سیاسه‌تكرنێ جاره‌كا دى خه‌لكێ كوردستان و عێراقێ بكاربینن و بازرگانیێ پێبكه‌ن".
دهه‌مان ڕوونكرندا هاتیه ژى، "عێراق و هه‌رێما كوردستانێ به‌ره‌ڤ گهۆڕینێن مه‌زن پێنگاڤا دهاڤێن، و دوماهیا هه‌موو ئه‌وان لایه‌ن و حزبان نێزیكه ئه‌وێن ماڵێ خه‌لكى خارى و نیشتیمان وێرانكرى، دێ ئارامى ده‌ڤه‌رێ ڤه‌گریتن له‌وان ژى پێدڤى ب تڕسیانێ ناكه‌ت، ئه‌ڤا دچه‌ند ڕۆژێن بوورى و دنهادا دهێته كرن، بتنێ بۆ بلندكرنا بهیێ نه‌فتێ یه و پێدڤیه یاریكرن ب عه‌قل و ویژدانا خه‌لكى ب دوماهى بهێت".
دوپاتكر ژى، "سه‌ركه‌ڤتن بۆ دیتنا نیشتیمانى مسوگه‌ره، و ڕۆژا ده‌مارگیریێ و تۆندڕه‌ویێ و نه‌ته‌وه په‌رستیێ به‌ره‌ڤ نه‌مانێ دچیت، و پێدڤیه ئه‌و لایه‌نێن بزاڤێن گهوڕینێ دعێراق و هه‌رێمێ دا دكه‌ن، نێزیكى ئێك ببن و به‌ره‌یه‌كى پێكبینن و خۆ ئاماده‌بكه‌ین بۆ قۆناغا نۆى".
داڕشتن: ئۆمێد حاجى
No comments:
Post a Comment